बाढी प्रभावित बालबालिकालाई शैक्षिक तथा खेलकुद सामग्री

सेतोमसी
आश्विन १५, २०८३ बिहिवार

बाढी प्रभावित बालबालिकालाई शैक्षिक तथा खेलकुद सामग्री

अ +
अ
अ -

नुवाकोट । सामाजिक सेवा फाउन्डेसन नेपालले बाढी प्रभावित बालबालिकालाई शैक्षिक तथा खेलकुद सामग्री वितरण गरेको छ ।

फाउन्डेसनले बुधबार विदुर नगरपालिका–५, मझिटारस्थित ग्वादी पब्लिक माध्यमिक विद्यालयमा अध्ययनरत ६५ जना विद्यार्थीलाई १ लाख रुपैयाँ बराबरको शैक्षिक तथा खेलकुद सामग्री वितरण गरेको जनाइएको छ ।

बाढीका कारण प्रभावित बालबालिकाको पढाइमा समस्या नहोस् र पठनपाठनसँगै खेलकुद गतिविधिलाई निरन्तरता दिन सकियोस् भन्ने उद्देश्यले सामग्री वितरण गरिएको फाउन्डेसनका उपाध्यक्ष रोहित वाग्लेले बताए ।

कार्यक्रममा फाउन्डेसनकी अध्यक्ष रविना राय क्षेत्री, विदुर नगरपालिका–५ का वडाध्यक्ष लीलानाथ न्यौपाने, विद्यालयका प्रधानाध्यापक गणेशबहादुर कुँवर, स्थानीय शर्मिला थापा मगरलगायतको उपस्थिति रहेको थियो ।