एमाले नेता इश्वर पोखरेलको क्षेत्रबाट स्वतन्त्र उम्मेदवारी दिने युवा व्यवसायी बाबुराम पोखरेलको घोंषणा

सेतोमसी
आषाढ २२, २०७९ बुधवार

एमाले नेता इश्वर पोखरेलको क्षेत्रबाट स्वतन्त्र उम्मेदवारी दिने युवा व्यवसायी बाबुराम पोखरेलको घोंषणा

अ +
अ
अ -

काठमाडौं । देशका ठूला पार्टीहरुले देखाएको जनताप्रतिको उदासिनता र देश जनता केही होइनन हामी नै सर्वेसर्वा हौ भन्ने सोंचबाट राज्य सञ्चालन गर्दा जनतामा पार्टी प्रतिको अकार्षण कम हुँदै गएको छ । जसले गर्दा आसन्न संघीय चुनाबमा पाटीका उमेदवार भन्दा स्वतन्त्र उमेदवारहरु बढी हावी हुने अनुमान समेत गरिएको छ ।

देशैभरि चुनावको मिति घोषणा नहुदै स्वतन्त्ररुपमा उमेदवारी घोषणा गर्ने क्रम चलिरहेको छ । यसैक्रममा काठमाडौ जिल्ला क्षेत्र नं. ५ बाट व्यवसायी बाबुराम पोखरेलले स्वतन्त्र उमेदवारी घोषणा गरेका छन् ।

समाजशास्त्रमा स्नातकोत्तर गरेका उनी सरकारी तथा गैह्र सरकारी क्षेत्रमा काम गरी अनुभव संगालेका व्यवसायी युवा हुन् । लामो समयदेखि सोहि क्षेत्रमा आफ्नो व्यवसाय सञ्चालन गर्दै आएका उनी जनताका वीचमा लोकप्रीय रहेको उनका समर्थक वासुदेव पोख्रेल बताउँछन् ।

यो क्षेत्र नेकपा एमालेका वरिष्ठ उपाध्यक्ष ईश्वर पोखरेलले जितेको क्षेत्र हो । जसमा काठमाडौ महानगरका वडा नं. २, ३, ४, ५ बुढानीलकण्ठका वडा नं. ३,४,५,६, ७ र टोखा का २,३,४,५,६, ७ पर्दछन् ।

देशमा बढ्दै गएको अराजकता, भ्रष्टचार, महंगी, देश भन्दा पार्टि र तिनका नेता ठुला हुन भन्ने गलत संस्कारको अन्त्यगरी सुशासन, जनता प्रतिको उत्तरदायीत्व, समानता, जवाफदेहीता, पारदर्शिता सहितको समृद्ध नेपालको मुद्धाहरु लिएर आफू जनताको वीचमा जाने पोखरेल बताउँछन् ।