कृष्ण अन्जान, गुल्मी । बिहानै देखि रुरु १  च्यूरेककाे  थाेर्गा च्यूरेक प्राथमिक विद्यालयमा  पढ्ने स–साना बालबालिकाहरु गाई गुइँ हल्ला गर्दै थिए । आज सबै स्कुल जानू पर्छ नयाँ झोला पाइन्छ रे ।

विद्यालय नगएका बालबालिका पनि छिटै स्कुल हिँडेको देखिन्यो ।

विद्यालयले विद्यार्थीका अभिभावकहरुलाइ समेत बोलाएको थियो ।अपरान्हको १२ वज्दा नवज्दै विद्यालयमा अभिभावक समेत जम्मा भइसकेका थिए ।

केही बेरमा एक हुल मान्छेहरु आए र कार्यक्रम शुरु भयो ।विद्यालयमा आएका नयाँ मान्छेहरुले राता र निला राम्रा झोला समेत ल्याएका थिए ।

विद्यालयमा आएका ती मान्छेहरुले झोला खोले त्यसभित्र रहेका कापि ज्यामिति बक्स, कलर बक्स, कापीकलम रुमाल मास्क लगाएतका   सामान  झिकेर देखाए अनि  फेरि विद्यार्थी र अभिभावकहरुलाइ झोलामा सामाग्री राख्न सिकाए । सबै विद्यार्थीहरुलाई पालैसंग एकएक वटा झोला दिए ।

रुरुक्षेत्र गाउँ पालिका १ झ्वाँलेमा रहेकाे थाेर्गा च्यूरेक प्राथमिक विध्यालय प्राँगणकाे असार २२ गते बुधबारकाे नजारा हाे याे । र करिब एकघण्टा पछि च्यूरेककै कालिगण्डकी प्राथमिक विध्यालयमा पनि याे श्रृङखला चल्याे ।

ग्वाँदीका समाजसेवी मंगलबहादुर रेगामीको पहलमा चाइना फाउण्डेशन ,अलिबाबा सँस्था र हिमानीकाेषकाे   सहयोगमा एकै दिन रुरु क्षेत्र १ च्यूरेकका २ वटा र रुरु १ सातमुरे काे एउटा विद्यालयमा  याे  शैक्षिक सामाग्री बितरण गरेर शैक्षिक विकासमा योगदानको हात बढाएको छ ।

हामीले विद्यार्थीहरुमा शैक्षिक जागरण सँगै विद्यालय जाने वानीको विकास होस भनेर यो अभियान थालेको समाजसेवी मंगल रेगामीले बताए।

झोला र शैक्षिक सामाग्री पाएपछि वालवालिका उत्साहित भएको र उनिहरु विध्यालयमा निरन्तर आउने आशा गरिएको थाेर्गा च्यूरेक प्राथमिक विध्यालयका प्राधान ध्यापक  नवदिप गाहा मगरकाे प्रतिक्रिया छ ।

विध्यार्थीहरुलाई विद्यालय जान उत्साहित बनाएकाे मात्र छैन अभिभावकलाई समेत आफ्ना छाेराछारी विध्यालय पठाउन उत्प्रेरित गरेकाे छ रुरुक्षेत्र गाउँपालिका वडा न १ का वडासदस्य घनस्याम ज्ञवालीले भने ।

चीन सरकारको तर्फबाट उपहार लेखिएका राता र निला एकैनाशका झोला बोकेर आफ्ना छोराछोरी घर फर्किँदा अभिभावक पनि छोरा छोरी सँग रमाएको देखियो ।

चीन सरकारको सहयोगमा यसरी बाँडिएक शैक्षिक सामाग्रीका कारण विद्यार्थीहरुलाइ विद्यालय जानू पर्ने कुरामा उत्प्रेरित गरेकाे छ ।