३ किशोरीद्वारा एउटै रुखमा झुन्डिएर सामुहिक आत्महत्या

सेतोमसी
श्रावण ८, २०७९ आइतवार

३ किशोरीद्वारा एउटै रुखमा झुन्डिएर सामुहिक आत्महत्या

अ +
अ
अ -

झापा । जिल्लाको कचनकवल गाउँपालिकास्थित एक रुखमा ३ जना किशोरी झुन्डिएको अवस्थामा मृत भेटिएका छन् । कचनकवल वडा नं ५ पाठामारी बेल्लेगाउँ स्थित सुनकोशी चिया बगानको झिङ खोलाको किनारमा रहेको एउटै बयरको रुखमा तीन किशोरी सामूहिक झुन्डिएको अवस्थामा मृत भेटिएको जिल्ला प्रहरी कार्यालय झापाले जनाएको छ ।

प्रारम्भिक अनुसन्धानबाट उनीहरुले आत्महत्या गरेको देखिएको प्रहरीकाे भनाइ छ ।

जिप्रकाका डीएसपी वसन्त पाठकका अनुसार यसरी मृत फेला परेका किशोरीहरुमा कचनकवल– ५ निवासी पञ्चम गणेशकी १६ वर्षीया छोरी करिना, पुवालु गणेशकी १७ वर्षीया छोरी अञ्जली र वीरबल गणेशकी १६ वर्षीया छोरी कल्पना रहेका छन् ।उनीहरु चिया बगानमा काम गर्ने मजदूर रहेको खुलेको छ ।

आज विहान ७.३० बजे झुन्डिएको अबस्थामा फेला परेको गाउँपालिकाका उपाध्यक्ष नवराज भट्टराईले जानकारी दिए ।अघिल्लो दिन दिउँसोदेखि हराएका तीनैजना भोलिपल्ट विहान ७.३० बजे झुन्डिएको अवस्थामा फेला परेका हुन् ।

उनीहरू मध्ये दुईजना एउटै हाँगामा र अर्की अर्को हाँगामा झुन्डिएको अबस्थामा फेला परेका हुन् ।उनीहरूले सामूहिक आत्महत्या गरेको अनुमान लगाइएको छ । तर कारण खुल्न सकेको छैन ।

उक्त दृश्य स्थानीयले देखेपछि आजै बिहान प्रहरीलाई खबर गरेका थिए । सूचना लगत्तै प्रहरी घटनास्थल पुगेर मृतक किशोरीहरुको शव तथा घटना प्रकृति मुचुल्का उठाएकाे छ ।