कृष्ण अन्जान, गुल्मी । अवसरकाे खाेजिमा विदेशतिर लागेका रुरुक्षेत्र १ रिडीबजारका हरी न्यौपाने आफ्नै जन्मथलाे फर्केर यतिबेला परिश्रमका पाखुरा बजार्दैछन । रिडीबजारको ठाडाखाेला नजिकै उनकाे बारीमा लगाएका कागतीले यसरी उत्पादन दिन थालेका छन कि उनको जीवनयापनकाे माध्यम नै कागती बनेकाे छ ।

त्यसाे त उनकाे रिडीबजारकाे बगैँचा क्षेत्रमा पुजा सामाग्री भण्डार पनि छ, जुन रुरुधामकै पहिलो पुजा सामाग्री भण्डार हाे । दुई वर्षअघि शुरु गरेकाे याे पुजा सामाग्री भण्डारकाे व्यवस्थापन उनकी जीवन संगिनी मिना पाण्डेले सम्हाल्दै आएकी छन् । रुरुधाममा चारै चौरासबाट झर्ने भक्तजन, दाहसंस्कारका लागि आउनेहरु र पुजापाठ, धार्मिक अनुष्ठानमा चाहिने जति पुजाका सबै सामाग्री एकमुष्ट पाईने हरि न्यौपाने पुजा सामाग्री भण्डार हाे ।

हरि न्यौपाने करिब साेह्र वर्ष वैदेशिक राेजगारीकाे सिलसिलामा दुवई बसेर फर्किएपछि कागती खेतीकाे शुरुवात गरेभने २ बर्ष अघिबाट पुजा सामाग्री भण्डार तिर पनि हात हालेका हुन ।
"विदेशबाट फर्केपछि के गर्दा ठिक हाेला भन्ने साेंचेँ । बारि खालि थियाे । याे क्षेत्रमा कागतीकाे व्यवसायीक खेती सम्भव थियाे र बारीमा तीन सय बाेट कागती लगाएँ । यतिबेला मज्जाले फल्न थालेका छन र उत्पादन भएका कागती बुटवल बजार तिर बिक्री हुन्छ भने घरसँगै जाेडिएकाे  पैँचाे पसल छ त्यहाँ पनि बिक्री हुने गरेकाे छ ।" न्यौपाने भने ।

"बारिमा कागति खेती त छँदै थियाे रिडीबजारमा पुजा सामाग्री भण्डार थिएन । श्रीमान कागती खेती तर्फ लाग्दै गर्दा वहाँकै सल्लाह बमोजिम पुजा सामाग्री पसल पनि सन्चालनमा ल्याएका हौँ," मिना पाण्डे न्यौपानेले भनिन् ।

हुनत हरि न्यौलानेका पिता दधिराम न्यौपानेले पनि धेरै पहिले देखि रिडीबजारमा हाेमियाेपैथिओैषधिकाे पसल सन्चालन गर्छन, जुन अहिले पनि छ । 

रिडीबजारलाई लामाे समय कर्मथलाे बनाएकाे न्यौपाने परिवारलाई रिडीकाे माया हुरुक्कै छ ।

"यहीँ जन्मीयाे संगी साथि यहिँ, भएकाे जाय ज्येथा यहिँ छ रिडीछाडेर अन्त जानै मन लाग्दैन" हरि न्यौपानेले भने ।