देवदह नगर शिक्षा समितिको प्रथम बैठक सम्पन्न, यी हुन् समितिमा मनोनीत हुनेहरू

सेतोमसी
भाद्र २, २०७९ बिहिवार

देवदह नगर शिक्षा समितिको प्रथम बैठक सम्पन्न, यी हुन् समितिमा मनोनीत हुनेहरू

अ +
अ
अ -

देवदह । देवदह नगर शिक्षा समितिको प्रथम बैठक सम्पन्न भएको छ । बिहीवार सम्पन्न बैठकले नगर शिक्षा समिति र नगर शिक्षा अनुगमन समितिमा विभिन्न व्यक्तिहरूलाई मनोनीत गरेको छ ।

नगरप्रमुख ध्रुब प्रसाद खरेल अध्यक्ष र उप-प्रमुख टिकाराम शर्मा शिक्षा अधिकारी रहेको नगरशिक्षा समितिमा सामुदायिक विद्यालय व्यवस्थापन समितिका अध्यक्ष मध्यबाट झबिन्द्र पाण्डे, संस्थागत विद्यालय व्यवस्थापन समितिका अध्यक्ष मध्यबाट चक्रपाणी तिवारी, समाजसेवी र शिक्षाविद मध्यबाट मित्रलाल न्यौपाने र राम प्रसाद बि.क., शिक्षण पेशामा उच्च योगदान गर्ने सामुदायिक विद्यालयका शिक्षकमध्यबाट ऋषीश्वर अर्याल र शिक्षण पेशामा उच्च योगदान गर्ने संस्थागत विद्यालयका शिक्षक मध्यबाट कृष्ण प्रसाद पौडेललाई मनोनीत गरिएको नगर प्रवक्ता गणेश डुम्रेले जानकारी दिए । प्रवक्ता डुम्रेका अनुसार शिक्षक महासंघको तर्फ प्रतिनिधि मनोनीत हुन बाँकी छ ।

त्यसैगरी नगर शिक्षा अनुगमन समितिमा पनि विभिन्न व्यक्तिहरू मनोनीत भएका छन् । जस अनुसार सेवा निवृत्त शिक्षकमध्यबाट लिलाबल्लभ भट्टराई, संस्थागत विद्यालयका शिक्षक प्रतिनिधिको रुपमा राम बहादुर गुरुङ, लेखा सम्बन्धि ज्ञान भएको व्यक्तिको रुपमा शिव प्रसाद ढकाल, शिक्षा र बालबालिकाको क्षेत्रमा काम गर्ने गैरसरकारी संस्थाका प्रतिनिधि रुपमा मेनुका न्यौपाने मनोनीत भएका छन् । बैठकले नगर शिक्षा अधिकृत परशुराम ढकाललाई विद्यालय निरीक्षकको जिम्मेवारी दिने निर्णय समेत गरेको नगरपालिकाले जनाएको छ ।