काठमाडौं । पूर्वप्रधानमन्त्री डा. बाबुराम भट्टराईले लोकतन्त्र रक्षाका लागि निर्वाचन घोषणापछि पनि पुरानै प्रतिनिधि सभा कायम राख्नुपर्ने बताएका छन्।
नेपाल समाजवादी पार्टीका अध्यक्ष भट्टराईले विगतमा प्रतिनिधि सभा रिक्त रहँदा लोकतन्त्र धरापमा परेकाले संविधान सभामा बृहत् छलफल गरेरै अर्काे निर्वाचित सभा नबनेसम्म पुरानै कायम राख्ने सहमति भएको उल्लेख गरेका छन्।
बरु राज्यको ढुकुटी बचाउन सांसदबापत लिने तलब भत्ता नलिन सकिने उनको भनाइ छ।
‘विगतमा प्रतिनिधि सभा रिक्त रहँदा लोकतन्त्र धरापमा पार्ने हर्कत भएको कटु अनुभवबाट सिकेर संविधान सभामा बृहत् छलफल गरेरै अर्को निर्वाचित सभा नबनेसम्म पुरानै कायम राख्ने सहमति भएको हो’, डा. भट्टराईले आइतबार सामाजिक सञ्जालमार्फत भनेका छन्, ‘बरू निर्वाचन घोषणा भएपछि संसद निष्क्रिय राखौं र तलबभत्ता नदिऊँ÷नलिऊँ तर राजनीतिक रिक्तता सिर्जना नगरौं।’
प्रतिनिधि सभा र प्रदेश सभा सदस्य चुन्न आगामी मंसिर ४ गते एकै चरणमा चुनाव हुँदै छ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
