जयपृथ्बी नगरपालिकाले किन्यो नयाँ जेसिवी, ११ वटै वडाको सडक सफाइमा सहज हुने

रमेश बहादुर सिंह
आश्विन ७, २०७९ शुक्रवार

जयपृथ्बी नगरपालिकाले किन्यो नयाँ जेसिवी, ११ वटै वडाको सडक सफाइमा सहज हुने

अ +
अ
अ -

रमेश बहादुर सिंह, बझाङ । बझाङको जयपृथ्वी नगरपालिकाले नयाँ (जेसिवी) डोजर खरिद गरेको छ । नगरपालिका भित्रका क्षेत्रमा एघारै वटा वडाको विकास निर्माण तथा सडकमा काम गर्न सहज होस भन्नका लागि डोजर खरिद गरेर नगरपालिका पुगाइएको मेयर चेतराज बजालले जनाएका छन् ।

मेसिन खरिद पछि अव नगरपालिका एघारै वटा वडा भित्रका अवरुद्ध सडक खुलाउन तथा नयाँ सडक निर्माणका लागि सजिलो हुने जयपृथ्वी नगरपालिकाका कार्यालय प्रमुख अम्मरराज जोशीले बताए ।

जोशीकाअनुसार अव केही दिनमा वर्षाका कारण अवरुद्ध बनेका नगरपालिका भित्रका सम्पूर्ण सडक खुलाउनको लागि मेसिनले काम सुरु गरेर अवरोध भएको सडक खुलाउने काम हुने छ ।

नगरपालिकाले गत साउनमा कार्यपालिकाको बैठकबाट डोजर किन्ने निर्णय गरेपछि तुरुन्तै कार्यान्वयनमा ल्याएर खरिद गरिएको नगरपालिका नगर प्रमुख चेजराज बजाल ले जनाएका छन ।

यस भन्दा अगाडि नगरपालिकाको आफ्नै मेसिन नहुँदा अवरुद्ध भयका सडक खुलाउन अन्य व्यक्तिका वा ठेकेदार बाट मेसिन भनेको समयमा आफुले नपाउँदा अवरोध भएको सडक खुलाउन ढिलाइ हुने गरेको थियो । अब हामिले आपनो मेसिन खरिद गरिसकेपछि अवरोध भएको सडक खुलाउन भनेको समयमा नै सहज हुने बताएका छन्।

यस्तै, नगरपालिकामा कृषि एम्बुलेन्स सञ्चालनको लागि पनि प्रक्रिया छिटै अगाडि बढाइने भयको छ । कृषि एम्बुलेन्स सञ्चालनको गर्न सके नगरपालिका भित्र रहेका कृषकहरूका कृषि उपजहरू बजार सम्म सहजै विना शुल्क पुगाउन सकिने र त्यसले गर्दा कृषि उपजहरूको बजारीकरण गर्न सघाउ पुग्ने नगर प्रमुख वजालको भनाई छ यो सेवाले कूषकले गाउँ घरमा उत्पादन गरेको सम्पुर्ण किसिमका फलफूल तरकारी लगायतका अन्य सामानहरु सहजै बजार ल्याएर कूषकले आम्दानी बढाउन‌ सकिन्छ ।