प्याब्सन देवदहको शुभकामना आदान-प्रदान कार्यक्रम सम्पन्न

सेतोमसी
आश्विन १६, २०७९ आइतवार

प्याब्सन देवदहको शुभकामना आदान-प्रदान कार्यक्रम सम्पन्न

अ +
अ
अ -

देवदह । निजी तथा आवासीय विद्यालय अर्गानाइजेशन नेपाल (प्याब्सन) देवदहले विजयादशमी, शुभ दीपावली, छठ पर्व तथा नेपाल सम्बतको अवसरमा शुभकामना आदानप्रदान कार्यक्रम सम्पन्न गरेको छ ।

कार्यक्रममा प्याब्सन रुपन्देहीका बरिष्ठ उपाध्यक्ष तथा प्रमुख अतिथि एक नारायण काफ्लेले नेपालीहरुको महान चाडहरु मनाउँदा सभ्य र संस्कृति संरक्षणको लागि मनाउनु पर्नेमा जोड दिए । उनले चाडपर्वले हामी नेपालीहरुको बिचमा धार्मिक सहिष्णुता, सामाजिक सद्भाव र एकताको सन्देश दिने भन्दै चाडपर्वले हुनेखाने र हुँदा खाने सबैलाई खुशी पार्न सकोस् भन्ने शुभकामना व्यक्त गरे ।

प्याब्सन रुपन्देहीका सह सचिव तथा नगर प्याब्सन देवदहका प्रमुख सल्लाहकार बोधराज गौडेलले चाडपर्वलाई मर्यादित बनाउनको लागि नेपालीहरुले तडकभडकलाई त्याग्नु पर्ने बताए। उनले नेपाली पर्वहरु धार्मिक, वैज्ञानिक, सामाजिक र ऐतिहासिक महत्वसँग जोडिएकाले पछिल्लो पुस्ताले यसको महत्वलाई बुझेर पर्व मनाउनु पर्नेमा जोड दिए । कार्यक्रममा प्याब्सन रुपन्देहीका जिल्ला सदस्य तथा नगर सल्लाहकार महेश पराजुली, सदस्यहरु गुरुप्रसाद पौडेल, विष्णुप्रसाद अर्याल र नारायणी पब्लिकका प्रिन्सिपल तथा पूर्व कार्यसमिति सदस्य प्रेम नारायण केवट लगायतले शुभकामना व्यक्त गरेका थियो ।

प्याब्सन नगर अध्यक्ष राम बहादुर गुरुङको अध्यक्षता रहेको कार्यक्रममा सचिव कृष्ण प्रसाद गैरेको सञ्चालन र कोषाध्यक्ष टिकाराम चापागाईको धन्यवाद ज्ञापनमा सम्पन्न भएको थियो ।