अनिष पन्थी, गुल्मी । आसन्न मङ्सिर ४ को प्रतिनिधि सभा र प्रदेश सभाको निर्वाचनमा यसपटक गुल्मीमा  रोचक प्रतिस्पर्धा हुने देखिएको छ। दुई प्रतिनिधि र चार प्रदेश सभा निर्वाचन रहेको गुल्मीमा चार केन्द्रिय नेताबीच हेविवेट प्रतिस्पर्धा हुँदैछ ।

गुल्मी निर्वाचन क्षेत्र नम्बर १ मा प्रतिनिधि सभाको लागि नेपाली कांग्रेसका पुर्व केन्द्रिय सदस्य एवं संबिधान सभा सदस्य डा. चन्द्र भण्डारी र नेकपा एमालेका महासचिव प्रदिप कुमार ज्ञवाली बिच कडा प्रतिस्पर्धा हुने देखिएको छ।

कांग्रेसका भण्डारीलाई नेपाली कांग्रेस, नेकपा माओवादी, नेकपा एकीकृत समाजबादी र अन्य सत्ता गठबन्धनको साथ रहेको छ भने एमालेका ज्ञवालीलाई एमालेको साथ छ। 

२०७४ को निर्वाचनमा ज्ञवालीसङ्ग पराजित भएका भण्डारीले गठबन्धनका कारण यसपटक सहज महसुस गरेको भए पनि ज्ञवाली पनि उत्तिकै बलिया उम्मेदवार हुन् ।

सोही निर्वाचन क्षेत्रको प्रदेश सभा 'क' मा सत्ता गठबन्धनबाट नेकपा माओवादी केन्दका लुम्बिनी प्रदेश अध्यक्ष सुदर्शन बराल र नेकपा एमालेका सोमप्रसाद पाण्डेबिच प्रतिस्पर्धा हुँदै छ ।   बराल २०७४ को निर्वाचनमा तत्कालीन नेकपा एमाले र माओवादीको तालमेलबाट बिजयी भएका थिए भने नेपाली कांग्रेसका पृथ्वी फौजदार पराजित भएका थिए । अहिले सत्ता गठबंधनले बराललाइ नै टिकट दिएको छ भने एमालेका पाण्डे पहिलो पटक निर्वाचन लडदै छन।

यता प्रदेश 'ख' मा सत्ता गठबन्धनबाट नेपाली कांग्रेसका धनेन्द्र कार्की र नेकपा एमालेका फर्सुराम पाण्डे बिच प्रतिस्पर्धा हुँदै छ। कांग्रेसका कार्की २०७४ को निर्वाचनमा एमालेका कमल श्रेष्ठसङ्ग पराजित भएका थिए । अहिले सत्ता गठबंधनले कार्कीलाई नै टिकट दिएको छ भने एमालेका पाण्डे पहिलो पटक निर्वाचन लडदै छन।

विष्ट र झाक्रीको लडाइ 

यता निर्वाचन क्षेत्र नम्बर २ मा भने एकको तुलानामा झन रोचक बन्ने देखिएको छ। गुल्मी २ मा नेकपा एमालेका सचीव पुर्व मन्त्री गोकर्ण बिष्ट र सत्ता गठबन्धनको तर्फबाट नेकपा एकीकृत समाजबादीकि सचीव रामकुमारी झाक्रीबिच प्रतिस्पर्धा हुँदै छ।

झाक्री पहिलो पटक गोकर्ण बिष्टसङ्ग प्रत्यक्ष निर्वाचनमा जादै छिन । नेकपा एमाले त्यागेर समाजबादी रोजेकी झाक्री गोकर्ण बिष्टलाई हराउने दाउमा छिन ।  झाँक्रीलाई सत्ता गठबन्धनको साथ रहेको छ।

सोही क्षेत्रकै प्रदेश सभा क मा नेकपा एमालेका दिनेश पन्थी र सत्ता गठबन्धनबाट नेकपा माओवादीका बुद्धि जिसि बिच प्रतिस्पर्धा हुँदै छ ।पन्थी २०७४  को निर्वाचनमा नेपाली कांग्रेसका छन्द पहराइलाई पराजित गर्दै बिजयी भएका थिए।

प्रदेश सभा ख मा नेपाली कांग्रेसका भुवन प्रसाद श्रेष्ठ र नेकपा एमालेका डिल्लिराज भुषालबिच प्रतिस्पर्धा हुँदै छ । श्रेष्ठ र भुसालबिच प्रदेश सभामा पहिलो पटक निर्वाचन लडदै छन भने २०७४ को स्थानीय निर्वाचनमा एमालेका भुसालले कांग्रेसका श्रेष्ठलाइ रेसुङ्गा नगरपालिकाको प्रमुखमा पराजित गर्दै नगरप्रमुख भएका थिए।