सरकार गठनको सकस

गठबन्धन टुटेको घोषणा गरेर प्रचण्ड पुगे 'बालकोट'

सेतोमसी
पौष १०, २०७९ आइतवार

गठबन्धन टुटेको घोषणा गरेर प्रचण्ड पुगे 'बालकोट'

file photo: Oli - Prachanda

अ +
अ
अ -

काठमाडौ । नेपाली कांग्रेसका कारण गठबन्धन टुटेको घोषणा गरेर नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बालुवाटारबाट बाहिरिए लगत्तै नयाँ सरकार गठनकालागि देब गुरूङसहित केपी ओलीलाई भेट्न बालकोट पुगेका छन्।

नेपाली कांग्रेसका सभापतिसमेत रहेका प्रधानमन्त्री शेरबहादुर देउवासँग कुरा नमिलेपछि उनी बालुवाटारबाट बाहिरिएका थिए। सरकार गठनका लागि राष्ट्रपति विद्यादेवी भण्डारीले दिएको समय सिमाभित्र सरकार बनाउने गरी देउवा, प्रचण्ड र माधव नेपालले छुट्टा छुट्टै छलफलसमेत गरेका थिए।

तर पहिलो कार्यकालमा को प्रधानमन्त्री हुने भन्ने विषयमा सहमति हुन नसकेपछि प्रचण्ड बैठक छोडेर बाहिरिएका हुन्। केपी ओलीको सचिवालयका अनुसार देव गुरूङ बालकोट पुगिसकेका छन् भने प्रचण्ड पुग्दैछन्। नेपाली कांग्रेसले राष्ट्रपति र प्रधानमन्त्री पद छाड्न नसकिने अडान लिएपछि नेकपा माओवादी केन्द्रले नेकपा एमालेसँग संवाद अघि बढाएको हो।