देवदहको मायादेवी मन्दिरमा स्वच्छता अभियान सुरु

सेतोमसी
माघ ७, २०७९ शनिवार

देवदहको मायादेवी मन्दिरमा स्वच्छता अभियान सुरु

अ +
अ
अ -

देवदह । देवदह नगरपालिका वार्ड न. ४, भवानीपुर स्थित गौतम बुद्धको मावली , मायादेवीको मन्दिर परिसरमा पास युवा समुह न.४ को आयोजना र देवदह नगरपालिका वडा न.४ को समन्वयमा पुरातात्त्विक तथा पर्यटनको केन्द्र भवानिपुर मायादेवि परिसर मा स्वच्छता अभियान सुरु गरिएको छ।

युवाहरुले सामाजिक कार्यमा देखाउने स्वस्फूर्तता नै समाज परिवर्तनको कडी भएको र युवाहरूलाई आवश्यक सहजीकरण मा वडा कार्यालय सदैब तयार रहेको देवदह नगरपालिका वडा न. ४ का अध्यक्ष दमननाथ रेग्मीको भनाइ रहेको थियो।

भवानीपुर क्षेत्रलाई विश्वसामु परिचित गराउन मुख्यत संरक्षणमा सबैको अहम भुमिका रहने बताउदै पास समूह न. ४ का युवाहरुको प्रशंसा गर्दै मन्दिर समितिको सदैव साथ र सहयोग रहने मन्दिर समितीका अध्यक्ष तथा समाजसेवि लिलाबल्लभ भट्टराईले बताए ।

परिवर्तनको सुरुवात आफूबाट र आफ्नै ठाउँबाट गर्नुपर्ने हुदा पास समूह न. ४ को पहिलो मिनिप्रोजेक्ट मायादेवी मन्दिरबाट स्वच्छता अभियान सुरु गरिएको र हरेक महिना को पहिलो शनिबार मन्दिर परिसर सरसफाइ निरंतरता हुने समुहको सदस्य बिनिता थापाको भनाई छ ।

वडा अध्यक्ष दमननाथ रेग्मीबाट अभियानको सुरुवात भएको थियो भने कार्यक्रम को संचालन समृद्ध समुदाय विकास केन्द्रका सहजकर्ता टेकराज न्यौपानेको रहेको थियो।