प्रेस सेन्टर रुपन्देहीद्वारा कुष्ठरोग प्रभावितलाई खाद्यान्न वितरण

सेतोमसी
माघ १५, २०७९ आइतवार

प्रेस सेन्टर रुपन्देहीद्वारा कुष्ठरोग प्रभावितलाई खाद्यान्न वितरण

अ +
अ
अ -

बुटवल । प्रेस सेन्टर नेपालको १९ औं स्थापना दिवस देशै भर विभिन्न कार्यक्रम गरि मनाइएको छ । स्थापना दिवसको अवसरमा रुपन्देही जिल्ला समितीले आज बुटवल जितगढि स्थित कुष्ठरोग प्रभावित व्यक्तिहरू संरक्षण संस्थामा आश्रयमा रहेकाहरुलाई खाद्यान्न वितरण गरि दिवस मनाएको छ ।

संगठनको स्थापना दिवसको अवसरमा चामल, दाल, चिनि, खानेतेल, चियापत्ती, बिस्कुट, चाउचाउ लगायतका सामग्री सहयोग गरिएको जिल्ला सचीव बिष्णु पोख्रेलले जानकारी दिए ।

कार्यक्रममा बोल्दै सेन्टरका प्रदेश अध्यक्ष मानसिह विस्वकर्मा, वरिस्ठ उपाध्यक्ष तथा रुपन्देही जिल्ला इन्चार्ज रुद्रहरि कुँवरले सेन्टरले सधै पछाडी पारिएका बर्ग समुदाय र क्षेत्र को आवाज बनेर काम गरेको र जनपक्षिय पत्रकारिता नै वास्तविक पत्रकारिता भएकोमा बताएका थिए । थोरै सहयोग पुर्याउन पाउँदा खुसी लागेको उनीहरूको भनाई छ । सो अवसरमा संस्थाका अध्यक्ष चित्रमान गुरुङले पत्रकारहरुले सहयोग गर्ने कुरा ठुलो कुरा भएको बताउंदै धन्यवाद ज्ञापन गरेका थिए।