हज यात्राका लागि निवेदन खुला, पहिलो किस्तामा दुई लाख २५ हजार बुझाउनुपर्ने

सेतोमसी
फाल्गुण ४, २०७९ बिहिवार

हज यात्राका लागि निवेदन खुला, पहिलो किस्तामा दुई लाख २५ हजार बुझाउनुपर्ने

अ +
अ
अ -

काठमाडौं । सन् २०२३ (हज १४४४) का लागि निवेदन खुला गरिएको छ । नेपाल हज समितिले हज यात्रा गर्न चाहने इस्लाम धर्मावलम्वीहरूका लागि आगामी चैत ४ गतेभित्र आवश्यक प्रक्रिया पूरा गरी निवेदन दिन सूचना प्रकाशित गरेको छ ।

यसपटक हज यात्राका लागि साउदी अरब सरकारले नेपाललाई १ हजार दुई सय कोटा तोकेको छ । सोही अनुसार प्रक्रिया पुर्‍याएर निवेदन दिएका १२०० जनाले हज यात्रा गर्न पाउनेछन् ।

हज यात्राका लागि पहिलो किस्तावापतको दुई लाख २५ हजार रुपैयाँ आफ्नो जिल्ला प्रशासन कार्यालयमा बुझाएर निवेदन दिनुपर्नेछ ।

निवेदनसँगै नेपाली नागरिकताको प्रमाणपत्र र राहदानीको छायाप्रति, रकम बुझाएको भौचर, हालसालै खिचिएको २ प्रति पासपोर्ट साइजको फोटो, कोरोनाविरुद्धको पूर्ण खोप लगाएको क्यूआर कोड र बैंक खाताको चेकको फोटोकपी पेस गर्नुपर्नेछ ।