काठमाडौं । अमेरिकाले भारतीय मूलका अमेरिकी अर्थशास्त्री एवं मास्टरकार्डका सीईओ अजय बंगालाई विश्व बैंकका अध्यक्ष मनोनित गरेको छ। राष्ट्रपति जो बाइडेनले बिहीबार उक्त पदका लागि मनोनित गरेको घोषणा गरेका हुन्।
व्हाइट हाउसका तर्फबाट जारी विज्ञप्तिमा बाइडेले भनेका छन्, ‘अजय बंगासँग वैश्विक कम्पनी बनाउने विषयमा तीन दशक भन्दा बढीको अनुभव छ।’
बाइडेनले त्यस्तो समय उनलाई मनोनित गरेका छन्, जुन समय अमेरिका विश्व बैंकमाथि जलवायु परिवर्नसँग सम्बन्धी समस्या समाधानका लागि कदम चाल्न दबाब दिइरहेको छ।
बंगाले एक दशक मास्टरकार्डको नेतृत्व गरेका हुन्। यसैगरी, अमेरिकाको निजी इक्विटी कम्पनी जनरल एटलान्टिकको अध्यक्षका रुपमा उनले काम गरेका छन्।
बंगासँग निजी क्षेत्रसँग मिलेर जलवायु परिवर्तनसँग जोडिएका समस्याका विषयमा काम गरेको अनुभव रहेको बताइन्छ।
भारतमा जन्मे हुर्केका बंगाले अमेरिकी नागरिकता लिइसकेका छन्। दिल्लीमा ग्र्याजुएट गरेका उनले अहमदाबादबाट एमबीए गरेका हुन्।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
