पोर्टमोरेस्वी (पिएनजी) । आईसीसी विश्वकप लिग-२ अन्तर्गत नेपालले यूएईलाई २ सय ३० रनको लक्ष्य दिएको छ । यूएईमा जारी त्रिदेशीय श्रृङ्खलाको अन्तिम खेलमा टस जितेर ब्याटिङ रोजेको नेपालको शुरुवात खराब रहेपनि भीम सार्कीको अर्धशतकमा २ सय २९ रन बनाएको हो ।
सुरुमा नेपालले ६८ रनमै पाँच विकेट गुमाएको थियो। ज्ञानेन्द्र मल्ल ११, आशिफ शेख ६, कुशल मल्ल ३२, रोहित पौडेल एक र दीपेन्द्रसिंह ऐरी ४ रन बनाएर आउट भए।
त्यसपछि पाँचौ नम्बरमा ब्याटिङ गर्न आएका भीम सार्कीले सन्दीप लामिछानेसँग ५६ रनको साझेदारी गरे। लामिछानेले २७ रन बनाए । सार्कीले आरिफ शेखसँग पनि ५६ रनको साझेदारी गरेर नेपालको सम्मानजनक स्कोर बनाए । उनले ९९ बलमा सात चौका प्रहार गर्दै ७० रन बनाए।
नेपालका लागि आरिफ शेखले ४३, करण केसीले १७ र प्रतिश जीसीले ११ रन बनाए।
नेपालले २ सय २९ रन बनाउन सबै ओभर खेलेर आठ विकेट खर्चियो ।
बलिङतर्फ यूएईका जुनैद सिद्दिकीले तीन, रोहन मुस्तफा र आर्यन लक्राले दुई–दुई तथा केपी मयप्पनले एक विकेट लिए।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
