इन्सुरेन्स कम्पनीले विमा अभिकर्तालाई शेयर दिनुपर्छ: अध्यक्ष तिवारी

सेतोमसी
चैत्र ४, २०७९ शनिवार

इन्सुरेन्स कम्पनीले विमा अभिकर्तालाई शेयर दिनुपर्छ: अध्यक्ष तिवारी

अ +
अ
अ -

बुटवल । पेशागत विमा अभिकर्ता संघ नेपालका केन्द्रिय अध्यक्ष नन्दप्रसाद तिवारीले इन्सुरेन्स कम्पनीले विमा अभिकर्तालाई कम्पनीको शेयर वितरण गर्नुपर्ने बताएका छन्। शनिबार पेशागत विमा अभिकर्ता संघ एशियन लाईफ इन्सुरेन्सको दोस्रो केन्द्रिय अधिवेशनलाई सम्बोधन गर्दै अध्यक्ष तिवारीले इन्सुरेन्स कम्पनीले कम्पनीको पुँजी वृद्धि गर्ने हो भने विमा अभिकर्तालाई पहिलो प्राथमिकतामा राखेर शेयर दिनुपर्ने बताए।

कम पुँजीका कारण केही विमा कम्पनीहरू मर्ज भएको तर्फ संकेत गर्दै अध्यक्ष तिवारीले अभिकर्तालाई खुसी बनाउन नसक्ने कम्पनी टिक्न नसक्ने धारणा व्यक्त गरे। उनले भने, "केहि कम्पनीहरू मर्जमा गएका छन्, त्यस्तो अवस्था किन आयो? लगानीकर्ताले विमा अभिकर्तालाई शेयर आह्वान गर्ने हो भने पुँजीको कमी हुन्न, तर कम्पनीले त्यसो गरेनन।"

उक्त अधिवेशनमा एशियन लाईफ इन्सुरेन्स कम्पनीका दिपक कुमार श्रेष्ठ, कार्यकारी अधिकृत दिनेशलाल श्रेष्ठ, डेपुटी सीईयो होम बहादुर श्रेष्ठ, विमा प्राधिकरणका लुम्बिनी प्रदेश प्रमुख पूर्ण बहादुर थापा लगायतले बोलेका थिए।