सगरमाथा आवासीय मा.वि.मा वातावरण मैत्री जन्मोत्सव

सेतोमसी
बैशाख १५, २०८० शुक्रवार

सगरमाथा आवासीय मा.वि.मा वातावरण मैत्री जन्मोत्सव

अ +
अ
अ -

देवदह । देवदहको वडा नं ७ स्थित सगरमाथा आवासीय मा.वि ले यस वर्षदेखि वातावरण मैत्री जन्मोत्सव कार्यक्रमकि सुरुवात गरेको छ ।

विद्यालयमा अध्ययनरत विद्यार्थीहरुको जन्म दिनको अवसर पारी हरेक विद्यार्थीले फूलको बिरुवा रोपी विद्यालयको वातावरणलाई हराभरा बनाउने उद्देश्यले उक्त कार्यक्रम सञ्चालन गरिएको हो ।

यस अभियानको समुदघाटन विद्यालयमा कक्षा ७ मा अध्ययनरत विद्यार्थी प्रसिद्धि अधिकारीको जन्म दिनको अवसरमा विरुवा रोपी कार्यक्रमको समुदघाटन गरिएको थियो ।

कार्यक्रमलाई सम्वोधन गर्दै विद्यालयका प्राचार्य कृष्ण प्रसाद पौडेलले यस अभियानबाट प्लाष्टिक जन्य पदार्थको प्रयोगमा कमी भई वातावरणमा समेत अनुकूल प्रभाव पार्ने बताए ।

कार्यक्रमलाई सम्बोेधन गर्दै सह–प्राचार्य प्रदिप अधिकारी र लेखनाथ काफ्लेले यस्ता क्रियाकलापलाई संस्कारको रुपमा रुपान्तरण गराउने प्रतिवद्धता जाहेर गरे ।

उक्त कार्यक्रमको सञ्चालन अपरेसन इन्चार्ज जीवन तामाङ्गले गरेका थिए ।