स्वाबलम्बन समूहद्वारा पन्चकन्या गाउँपालिकासंग अन्तरक्रिया

सेतोमसी
बैशाख २९, २०८० शुक्रवार

स्वाबलम्बन समूहद्वारा पन्चकन्या गाउँपालिकासंग अन्तरक्रिया

अ +
अ
अ -

नुवाकोट । मनोसामाजिक स्वास्थ्यका क्षेत्रमा पैरवी, सचेतना अभिवृद्धि र सेवा प्रदानमा सहजीकरण गर्दै आईरहेको कोशिश संस्थाको उत्पेरणद्वारा गठित वडा स्तरीय स्वाबलम्बन समूहहरुले पन्चकन्या गाउँपालिकामासंग अन्तरक्रिया सहित ध्यानाकर्षण पत्र बुझाएका छन्।

ध्यानाकर्षण पत्र बुझ्दै गाउँपालिका उपाध्यक्ष बिमला केसी ले “यो ध्यानाकर्षण पत्र ठिक समयमा आएको छ र मनोसामाजिक समस्याको सम्बोधनमा पन्चकन्या गाउँपालिकाले बिशेष पहल गर्ने बताइन। पालिकामा एक परामर्श दाता राख्न कार्यपालिकामा छलफल चलाउने बताउंदै केसीले स्वाबलम्बन समुहको सीप विकास, नेतृत्व विकास र संथागत विकासमा पालिकाका विभिन्न शाखाको परिचालन गरि कार्य गर्ने प्रतिबद्धता व्यक्त गरिन।

सोहि अवसरमा प्रमुख प्रशासकीय अधिकृत राममणी काफ्लेले “ सक्रिय, फुलवारी, सुन्दरादेबी र स्वास्थ्य स्वबलंबन समूहको संथागत सबलीकरण गर्न सहयोग गर्ने र ती समुहको दर्ता प्रक्रियामा सहयोग गर्ने बताए।

पन्चकन्या गाउँपालिका- २ को सक्रिय स्वाबलम्बन समूह, ३ को स्वास्थ्य स्वाबलम्बन समूह, ४ को सुन्दरादेबी कोशिश स्वाबलम्बन समुह र ५ को फुलबारी स्वाबलम्बन समुहलाई पालिकामा दर्ता भएका छन्।