भुमिहिनलाई निस्सा वितरण गर्दै सुनवल

सेतोमसी
जेठ १, २०८० सोमवार

अ +
अ
अ -

सुनवल । राष्ट्रिय भुमि आयोग नवलपरासीले भुमिहिन सुकम्वासी र अव्यवस्थित वसोवासीहरुको जग्गा नापजाँच तथा पुर्जा वितरण कार्य अगाडि बढाएको छ । आयोगले जिल्लाका पालिकाहरु संगको समन्वयमा नापजाँचको काम अगाडी बढाएको हो ।

सोही क्रममा सोमबार सुनवल वडा नं ५ मा भुमिहिनलाई जग्गा नापजाँचको निस्सा वितरण सुरु गरिएको छ

सो कार्यक्रममा बोल्दै नगर प्रमुख बिमला अर्यालले नगरपालिका भवन परिसरमा कन्ट्रोल पोइन्ट राखिने र नगरका १३ वटै वडामा सव कन्ट्रोल पोइन्ट राखेर जग्गा नाप नक्साको काम अगाडी बढाईएको जानकारी दिइन्।

उनले निकट भविष्यमा प्राविधिक जनशक्ति राखिने र नाप नक्साको कामलाई अगाडी बढाउने योजना रहेको बताइन् । भुमि आयोगलाई आवश्यक पर्ने अन्य जस्तो सुकै सहयोग गर्न पनि नगरपालिका तयार रहेको नगरप्रमुख अर्यालले बताइन्।

राष्ट्रिय भुमि आयोग पश्चिम नवलपरासीका अध्यक्ष देवराज भण्डारीले जुनसुकै अवस्थामा पनि लालपुर्जा वितरण गर्ने र जेलै जान परे पनि पछाडी नहट्ने बताए।

राष्ट्रिय भुमि आयोग सदस्य भविश्वर तिवारीले प्रधानमन्त्री समक्ष राजश्व घटाउन पहल गरेको र प्रधानमन्त्रीले क्रान्तिकारी निणर्य गरेर भए पनि राजश्व घटाउने आश्वासन दिएको बताए ।

कार्यक्रममा राष्ट्रिय भुमि आयोग सदस्य लक्ष्मी भुषाल, सुर्दशन खरवार, प्रमुख प्रशासकिय अधिकृत भक्तिराम मरासिनी, स्थानीय जनप्रतिनिधिहरुको उपस्थिति रहेको थियो ।