गर्मीका कारण सुनवलका विद्यालयमा विदा

सेतोमसी सहकर्मी

अ +
अ
अ -

परासी।पछिल्लो समय राजधानी काठमाडौंसहित देशैभरीको तापक्रम ह्वात्तै बढेको छ । विगत केही दिनयता नेपालका तराई क्षेत्रमा अधिकतम तापक्रम ४२ डिग्रीभन्दा माथि पुग्न थालेको छ ।

तापक्रममा अत्यधिक वृद्धि हुन थालेपछि सुनवल नगरपालिकाले बिहिवार एक सूचना जारी गर्दै बढ्दो गर्मीकै कारण नगरभित्रका विद्यालयहरुमा केही दिन विदा दिने जनाएको छ । सूचनाका अनुसार १९ जेष्ठ देखि २६ जेष्ठ सम्मगरि एक हप्ता गर्मी बिदा दिएको हो ।

नगरका शाखा अधिकृत पशुपति भट्टराईद्वारा जारी ‘गर्मी विदा रहने सम्बन्धमा’ शीर्षकको सूचनामा भनिएको छ–
प्रस्तुत विषयमा सुनवल नगर शिक्षा समितिको मिति २०८०/०२/१६ को बैठकको निर्णयानुसार हाल बढिरहेको अत्याधिक गर्मीका कारण पठनपाठन तथा शैक्षिक गतिविधि संचालनमा असहजता भएकाले शैक्षिक क्यालेण्डरमा उल्लेख भएको गर्मी बिदाबाट कट्टी हुने गरी मिति २०८०/०२/१९ देखि २०८०|०२|२६ सम्म सुनवल नगरपालिकाका सम्पूर्ण विद्यालयहरुमा गर्मी बिदा गरिएको व्यहोरा जानकारी गराइन्छ । साथै हाल चलिरहेको कक्षा ११ को परीक्षालाई निरन्तरता दिनुहुन समेत जानकारी गराइन्छ ।