कृष्ण अन्जान, च्यूरेक । गर्मी छल्न बुटवलबाट  आफ्नो पुर्ख्यौलि घर रुरुक्षेत्र गाउँ पालिका वडा न १ च्यूरेक तिर आएका ओम ज्ञवालीलाई घर आउने बित्तिकै पिउने पानीकाे जाेहाे गर्नु पर्याे ।

पानीकै लागि उनी जर्किन बाेकेर उहीँ बाबू बाजेको पालाको चिर्तुमकाे पँधेरा तिर पानी खाेज्दै पुगे ।

ओम ज्ञवाली त प्रतिनिधि पात्र हुन उनित एक्लै आएका छन बस्तुभाउ छैनन दुई चार जर्किन पानी ल्याए पुग्छ त च्यूरेककाे सिँगाे गाउँ नै यतिबेला पानीकाे अभावमा जुधि रहेकाे छ ।

चर्काे खडेरिले मुल सुकेपछि पानी आएकाे छैन र पानी नहुँदा जनजीवन असहज बनेकाे छ ।

खानलाई पँधेरामा गएर ल्याम्ला तर बस्तुभाउलाई खुवाउन लिन कहाँ जानु साहै आपत भाे गाउँमा कसको घरमा ड्रममा ट्याँकिमा जम्मा गरेकाे छ त्यहाँ गएर एक दुई गाग्री पानी ल्याएर काम चलाउँदै छु रुरुक्षेत्र १ च्यूरेक ठुलापाेखरा की मुना पौडेल भन्छिन ।

यतिबेला च्यूरेक आउने जनैढुँगा खानेपानी आयाेजनाकाे मुल खडेरीले सुक्न थालेकाे छ र यहि मुलबाट बितरण गरिएकाे जानपाटा ,जौखेला ,सिरानघर टाेल ,चौरेली टाेल ,ठुलापाेखरा टाेल र स्थानीय झ्वाँले क्षेत्रका वासिन्दाहरुमा पानीकाे हाहाकार छ ।

गाउँमा पानीले जनता काकाकुलकाे अवस्थामा पुगेपछि रुरुक्षेत्र गाउँ पालिका १ ले ट्याँकरमा पानी ल्याएर पानीकाे आपूर्ति गर्ने तयारी गरेपनि रिडीखाेलाबाट ल्याउने पानी पिउन याेग्य नभएको र दुषित पानी त्यहि पनि महँगाे पर्न जाने रुरुक्षेत्र १ का वडा सदस्य घनस्याम ज्ञवालीकाे भनाई छ ।

उनका अनुसार च्यूरेक वासीहरुलाई खडेरीभरी ट्याँकरमा अलि स्वच्छ पानीकाे मुलबाट पानी बितरण गर्न आवस्यक पहल गरिने उनले बताए ।

खानेपानी मानवका लागि आधारभूत कुरा भएकाले वडा तथा पालिका स्तरबाट ट्याँकरमा पानी ल्याएर च्यूरेक क्षेत्रमा बितरण गरि बस्तुभाउ र स्थानीय जनताकाे घाँटी भिजाउन पहल अत्यावस्यक छ ।