बझाङमा बसपार्क शिलान्यास, बझाङ्गी राजपरिवारले दियो नि:शुल्क जग्गा

रमेश बहादुर सिंह
आषाढ ३०, २०८० शनिवार

बझाङमा बसपार्क शिलान्यास, बझाङ्गी राजपरिवारले दियो नि:शुल्क जग्गा

अ +
अ
अ -

रमेश बहादुर सिंह, बझाङ । बझाङमा बसपार्कको शिलान्यास भएको छ । बझाङ्गी राजपरिवारले आफ्नो पुर्खाको सम्झनामा २३ रोपनी जमिन निशुल्क दिएपछि शनिबार एक औपचारिक कार्यक्रम गरी सोही जग्गामा बसपार्कको शिलान्यास गरिएको हो।

जिल्ला समन्वय समिति संयोजक नर बहादुर बोहरा र जयपृथ्वी नगरपालिका मेयर चेतराज बजालद्वारा सयुक्त रुपमा शिलान्यास गरिएको बसपार्क निर्माणका लागि सहरी बिकास तथा भवन निर्माण विभाग अन्तर्गत सघन सहरी तथा भवन निर्माण आयोजना डोटीले ५ करोड बजेट विनियोजन गरि ठेक्का गरेको छ।

बसपार्क निर्माणको काम अगाडि बढेको बसपार्क निर्माण व्यवस्थापन समितिका अध्यक्ष कृष्ण बहादुर बिष्ट बताए। बसपार्कमा पाँच वटा यात्रु प्रतिक्षालय एउटा सटर सहित शौचालय निर्माण गरिने छ।