हिमा गाउँपालिकाका तीन गाउँमा एक घर एक धारा

सेतोमसी
श्रावण १३, २०८० शनिवार

हिमा गाउँपालिकाका तीन गाउँमा एक घर एक धारा

अ +
अ
अ -

जुम्ला । जुम्लाको हिमा गाउँपालिकाको ३ गाउँका सबै घरमा खानेपानीको धारा पुगेको छ । गाउँपालिकाको वडा नम्बर बड्कीका १६१ घरधुरी, ५ वटा कार्यालय गरी १६६ धारा , वडानम्बर ५ बाजगाडमा १३६ घरधुरी र वडानम्बर ६ को डाडाबाडामा ७४ घरधुरीमा खानेपानीको धारा पुर्‍याइएको छ ।

नेपाल सरकार, हिमा गाउँपालिका, फिनल्याड सरकार, र युरोपियन युनियनको सहयोगमा सञ्चालन भइरहेको सबैका लागि दिगो खानेपानी, सरसफाई तथा स्वच्छता समन्वय आयोजना (सुस्वा) अन्तर्गत तीनै गाउँका सबै घरधुरीमा खानेपानीको पहुँच पुगेको वास संयोजक सुमिता शाहीले जानकारी दिए ।

बुधबार हिमा गाउँपालिकाको बड्की गाउँमा सबै घरधुरीमा धारा पुगेपछि गाउँपालिका अध्यक्ष लक्ष्मणबहादुर शाही, उपाध्यक्ष सुपर्ना शाही, प्रमुख प्रशासकीय अधिकृत रणबहादुर बुढा, स्थानीयवासी, सरोकारवाला निकायको उपस्थितिमा भव्य कार्यक्रम गरी खानेपानीको धारा उद्घाटन गरेका हुन ।

बड्की गाउँका सवैघरधुरीमा खानेपानी पुर्‍याउनका लागि स्थानीयको अगुवाईमा बड्क्री खानेपानी तथा सरसफाई आयोजना शुरु गरिएको थियो । जसमा अनुमानित एक करोड १२ लाख ६८ हजार ५९ रुपैयाँमध्ये एक करोड ११ लाख ६६ हजार १९७ रुपैयाँ खर्च भएको छ ।