काठमाडौंबाट नयाँ दिल्लीका लागि उड्न लागेको एयर इन्डियाको जहाजमा समस्या आएको छ । दिल्लीका लागि उड्न त्रिभुवन अन्तरराष्ट्रिय विमानस्थलको रनवे पुगेको उक्त जहाजमा समस्या आएको हो ।
त्रिभुवन अन्तरराष्ट्रिय विमानस्थल सूचना अधिकारी तेजबहादुर पौडेलले एयर इन्डियाको जहाजमा समस्या आएको पुष्टि गरे । उनले भने, ‘केही बेर अघि काठमाडौंबाट नयाँ दिल्लीका लागि उड्न लागेको जहाज रनवेमा पुगेपछि चक्कामा समस्यामा देखियो । त्यसलाई ट्याक्टरले तानेर पार्किङ स्थलमा ल्याइएको छ ।’
सो जहाजका कारण अन्य उडान समेत प्रभावित भएको छ । केही आन्तरिक र अन्तरराष्ट्रिय उडानका जहाजहरू आकाशमै होल्ड भएका छन् । जहाज पार्किङस्थलमा ल्याइएकोले होल्ड विमान ल्याण्ड गराउने तयारी भइरहेको उनले जानकारी दिए ।
उक्त जहाजमा १७९ जना यात्रु रहेका थिए । ती यात्रुहरूको व्ययवस्थापन कसरी गर्ने भन्ने बारे एयर इन्डिया जिम्मेवार रहने पौडेलले जानकारी दिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)