देवदहमा महिलाहरूको निशुल्क स्वास्थ्य परिक्षण

सेतोमसी
भाद्र १८, २०८० सोमवार

देवदहमा महिलाहरूको निशुल्क स्वास्थ्य परिक्षण

अ +
अ
अ -

देवदह । रुपन्देहीको देवदह नगरपालिका वडा नं ३ मा रहेको आधारभुत स्वास्थ्य केन्द्र शिशपुरमा महिलाहरुको पाठेघरको मुखको क्यान्सर, आङ खस्ने र फिस्टुला सम्बन्धी एकदिने स्वास्थ्य परिक्षण कार्यक्रम सम्पन्न भएको छ ।

देवदह नगरपालिका वडा नं ३ को आयोजनामा सोमबार सम्पन्न सो शिविरबाट १४१ महिलाले आफ्नो स्वास्थ्य परिक्षण गराएको जनाईएको छ । जसमध्ये ११ जना महिलालाइ भिआइए जाँच गर्दा पोजिटिभ देखिएको र अन्य ४३ जनालाइ सुबिधा सम्पन्न हस्पतालमा थप उपचारका लागि रिफर गरिएको सो स्वास्थ्य चौकिका प्रमुख डिल्लेश्वर श्रेष्ठले बताए ।

कार्यक्रममा बोल्दै देवदह नगरपालिका व्क्डा नं ३ का वडा अध्यक्ष यज्ञ अर्यालले सबैले मासिक रुपमा आफ्नो स्वास्थ्य जाँच गर्नुपर्ने र चिकित्सकसंग परामर्श लिइरहनुपर्ने बताए । उनले अस्पतालमा रिफर गरिएकाहरुलाई नआत्तिएर स्वास्थ्य परामर्शमा सहभागी हुन समेत आग्रह गरे।

शिविरमा डा अरुणा पोख्रेल महिलाहरूको स्वास्थ्य जांच गरेकी थिईन्। कार्यक्रमको सहजीकरण आधारभुत स्वास्थ्य चौकी शिशपुरका प्रमुख डिल्लेश्वर श्रेष्ठ गरेका थिए।