६४ औं सहकारी दिवस

सहकारी दिवसको अवसरमा देवदहमा अभिमुखिकरण कार्यक्रम सम्पन्न

सेतोमसी सहकर्मी

सहकारी दिवसको अवसरमा देवदहमा अभिमुखिकरण कार्यक्रम सम्पन्न

अ +
अ
अ -

१९ चैत, देवदह । रुपन्देहीको देवदहमा "ऎन बमोजिम सहकारी संचालन र कानुनी प्रावधान" विषयक अभिमुखिकरण कार्यक्रम सम्पन्न भएको छ । ६४औं सहकारी दिवसको अवसरमा सहकारी दिवस व्यबस्थापन कार्यदल, देवदहको आयोजनामा उक्त कार्यक्रम भएको हो ।

कार्यक्रममा बोल्दै कार्यक्रमका प्रमुख अतिथी देवदह नगरपालिकाका प्रमुख हिराबहादुर खत्रीले सहकारीले स्थानीय बिकासमा महत्वपूर्ण भुमिका खेलेको बताउंदै देवदहमा स्थापित सम्पुर्ण सहकारीहरुलाइ धन्यवाद ज्ञापन गरे । रोजगारी सृजना देखि अर्थ परिचालनसम्म सहकारीको उल्लेखनीय योगदान रहेको बताउँदै उनले संघीय र स्थानीय सरकारद्वारा निर्मित सहकारी ऎनको पुर्ण पालना गर्न सहकारी संस्थाहरु सफल रहने विस्वास ब्यक्त गरे ।

नेपाल ऋण तथा बचत सहकारी महासंघका अध्यक्ष परितोष पौडेल र देवदह नगरपालिकाका प्रशासकिय अधिकृत गंगा प्रसाद पन्थीद्वारा अभिमुखीकरण तालिम दिइएको उक्त कार्यक्रममा राष्ट्रिय सहकारी बोर्ड सदस्य प्रकाश अर्याल, निर्माण बहुउद्देश्यीय सहकारी संस्थाका अध्यक्ष मोतिलाल ढकाल लगायतले बोलेका थिए ।

देवदह नगरपालिकाको बित्तिय सहयोग रहेको उक्त कार्यक्रम सहकारी विकास बोर्डका संचालक, जिल्ला सहकारी बोर्ड रुपन्देहीका सचीव एवं साना किसान सहकारी संस्था, देवदहका अध्यक्ष टीका न्यौपानेको अध्यक्षतामा सम्पन्न भएको थियो । कार्यक्रमको संचालन कोलिय साकोसका अध्यक्ष शुभकान्त न्यौपानेले गरेका थिए ।