माथागढीमा निलकुमारी ठाडा स्मृति भवनको उद्घाटन

सेतोमसी सहकर्मी

माथागढीमा निलकुमारी ठाडा स्मृति भवनको उद्घाटन

अ +
अ
अ -

सुमन गाहा, २० चैत्र, पाल्पा । माथागढी गाउँपालिका वडा नं. ३ कसेनीमा वडा सदस्य निलकुमारी ठाडा स्मृति भवन उद्घाटन कार्यक्रम सम्पन्न भएको छ । ठाडाको २०७६ भदौ २९ गतेका दिन ४० वर्षको उमेरमा मृत्यु भएको थियो ।

उद्घाटन कार्यक्रमका प्रमुख अतिथि तथा गाउँपालिका अध्यक्ष सन्तोष कुमार थापाले अाफूले गाउँपालिकाकाे परिवारबाट एकजना सदस्य गुमाएकोमा दु:ख ब्यक्त गर्दै सहकर्मीको सम्झनामा बनाइएको भवनले उहाँलाई सधैं सम्झाइरहने बताए ।

कार्यक्रमका विशिष्ट अतिथि तथा कार्यपालिका उपाध्यक्ष निर्मला भट्टराईले अाफ्नाे सहकर्मी गुमादा निकै पिडा भएको भन्दै उहाँको नाममा भवन बनेकोमा खुसी व्यक्त गर्दै यसमा साथ दिने सबैलाइ धन्यवाद ब्यक्त गरिन् ।

कार्यक्रमका कार्यपालिका प्रमुख प्रशासकीय अधिकृत राजु नेपाल, वडा नं. ३ का अध्यक्ष दिपक थापा, कार्यपालिका सदस्य तारा रसाइली लगाएतले आफ्नो भनाइ राखेका थिए ।

कार्यक्रममा भवन बनाउन जग्गा सहयोग गर्नुहुने टुन्टी ठाडा जग्गादातालाई सम्मान समेत गरिएको थियो । भने प्रमुख अतिथिले रिबन काटेर भवन उद्घाटन गर्दै अाजबाट भवन पूर्ण रुपमा समुदायको भएको भन्दै समुदायलाई हस्तान्तरण गरेका थिए ।

कार्यक्रममा स्व. निलकुमारी ठाडाकाे फाेटाेमा फुलमाला अर्पण सहित समवेदना प्रकट गरिएको थियो ।

कुलबहादुर घर्ती मगरको अध्यक्षतामा सम्पन्न कार्यक्रममा एलिना घर्तीमगरको स्वागत तथा तेज घर्तीमगरकाे सञ्चालन रहेको थियो ।