भुकम्प प्रभावितको उद्वार र राहतमा खटिन सभामुखको अपिल

सेतोमसी
कार्तिक १८, २०८० शनिवार

भुकम्प प्रभावितको उद्वार र राहतमा खटिन सभामुखको अपिल

अ +
अ
अ -

बुटवल । लुम्बिनी प्रदेशका सभामुख माननीय तुलाराम घर्ती मगरले भुकम्पबाट ज्यान गुमाउनु भएकी जाजरकाेट नलगाड नगरपालिका उपप्रमुख सरितासिंह सहित मृतकप्रति भावपुर्ण श्रध्दासुमन व्यक्त गर्दै घाइतेहरुको शिघ्र स्वास्थ्य लाभको कामना गरेका छन ।

उनले भूकम्पबाट भएको मानवीय तथा भौतिक क्षतिले मर्माहित भएको उल्लेख गरेका छन । भूकम्प पीडित सम्पुर्ण परिवारहरुकाे उद्वार र व्यवस्थापनकाे लागि स्थानीय, प्रदेश र संघीय सरकारमा विशेष अपिल गरेका छन । सम्माननीय प्रधानमन्त्री ज्युकाे टिम प्रभावित क्षेत्र जाजर र रुकुम जाँदै गर्नेु भएकाेमा नेपाल सरकारलाई धन्यवाद समेत दिएका छन । सभामुख घर्ती मगरले उद्दार, खोज र राहतका लागि खट्न सरोकारवाला र आम नागरिक सबैलाई आग्रह गरेका छन ।

१७ गते राती ११.४७ बजे गएकाे ६.४ रेक्टर स्केलकाे भूकम्पले धेरै जनधनकाे क्षेति भएकाेमा सभामुख घर्ती मगरले दु:ख व्यक्त गरेका हुन । पछिल्लो प्राप्त जानकारी अनुसार अहिलेसम्म जाजरकोटमा -मृत्यु ९२,घाईते-५५ र रुकुम पश्रिममा-मृत्यु ३६,घाईते ८५ रहेको छ ।