आइपिएल सिजन-१४

आइपिएल क्रीकेटमा कोलकाताले हैदराबादलाई १० रनले हरायो

अशोक गौतम 'क्षितिज'
चैत्र ३०, २०७७ सोमवार

आइपिएल क्रीकेटमा कोलकाताले हैदराबादलाई १० रनले हरायो

अ +
अ
अ -

३० चैत्र, एजेन्सी – इन्डियन प्रिमियर लिग (आइपिएल)मा कोलकाता नाइट राइडर्सले सनराइजर्स हैदराबादलाई १० रनले पराजित गरेको छ ।

जितको लागि १ सय ८८ रनको विजयी लक्ष्य पछ्याएको हैदराबादले निर्धारित २० ओभरमा ५ विकेट गुमाउँदै १ सय ७७ रन बनायो ।
त्यसका लागि मनिष पान्डेले ६१ तथा जोनी बेयरस्टोले ५५ रन बनाएपनि अन्य खेलाडीले राम्रो रन बनाउन सकेनन् ।

चेन्नइमा भएको खेलमा टस हारेर ब्याटिङको निम्तो पाएको कोलकत्ताले निर्धरित २० ओभरमा ६ विकेट गुमाएर १८७ रन बनाएको थियो ।

कोलकत्ताका लागि ओपनर नितिश राणाले उत्कृष्ट ब्याटिङ गरे । उनले ५६ बलमा ९ चौका र ४ छक्का प्रहार गरि ८० रन बनाए । यस्तै राहुल त्रिपाठीले ५३ रन बनाउँदा दिनेश कार्तिकले २२ रन बनाए । हैदराबादका राशिद खान र मोहम्मद नाबीले २/२ विकेट लिए ।

कोलकाताले आफ्नो दोस्रो खेल मंगलबार मुम्बईसँग खेल्ने छ । हैदराबादले रोयल च्यालेन्जर्स बेंगलोरसँग बुधबार खेल्ने छ ।