सेतोमसी सहकर्मी
काठमाडौ । लुम्बिनी प्रदेशका मुख्यमन्त्री शंकर पोखरेलले राजीनामा दिएका छन् । प्रदेश सभामा आफू अल्पमतमा परेपछी उनले राजिनामा दिएका हुन । प्रदेशसभा अविश्वास प्रस्ताव ‘फेस’ गर्न नसक्ने देखेपछि मुख्यमन्त्री पदबाट पोखरेलले राजीनामा दिएका हुन् ।
उनी बिरुद्ध विपक्षीदल नेपाली कांग्रेस, माओवादी केन्द्र, जनता समाजबादी पार्टी लगायतले अविश्वासको प्रस्ताव दर्ता गराएका थिए । सोही अबिश्वासको प्रस्ताबमाथि छलफल र निर्णय गर्न बोलाइएको विशेष अधिवेशन सुरू हुनु अगावै उनले राजीनामा दिएका हुन् ।
मुख्यमन्त्रीले प्रदेश प्रमुख अमिक शेरचन समक्ष राजीनामा दिएको एमाले प्रमुख सचेतक भूमिश्वर ढकालले जानकारी दिए ।
विपक्षी गठबन्धनले माओवादी केन्द्र संसदीय दलका नेता कुलप्रसाद केसीलाई भावी मुख्यमन्त्रीका रुपमा प्रस्ताव गरेका छन् ।
लुम्बिनी प्रदेशसभामा हाल ८० जना सांसद रहेकाछन । बहुमतका लागि ४१ सिट आवश्यक हुन्छ । विपक्षी गठवन्धनसँग कांग्रेसका १९, माओवादी केन्द्रका १८, जसपाका ३ र जनमोर्चाका १ गरी ४१ सांसद छन् । यसरी लुम्बिनी प्रदेशमा अबको मुख्यमन्त्री माओवादी केन्द्रका कुलप्रसाद केसि हुने पक्का जस्तै भएको छ।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)