कविता

नयाँ बर्षको शुभकामना - कविता

रामचन्द्र तिम्सिना
चैत्र ३१, २०७७ मंगलवार

अ +
अ
अ -

नयाँ बर्षको शुभकामना

देशको धुरी खाँबो नढलोस
राजनीतिमा रास्ट्रवाद नमरोस
नजलुन सुकुम्बासीका झुपडीहरु
नमारुन हुकुम्बासिले थपडीहरु ।
नचुलियोस वर्गिय असमानताका खाडल
नबढारियोस गरिबका आँगनहरु ।

नबढोस गरिबिका चुलिहरु
नचढोस सोझा-सिधा सुलिहरु
नचलुन स्वार्थका छुरीहरु
नआउन भ्रष्टाचारका हुरिहरु
नढलुन जनआस्थाका धुरीहरु
नपाकुन रास्ट्रघातका पुरीहरु।

बनिरहोस भातृयता
रहिरहोस आत्मियता
नमरोस गरिबिका आशाहरु
नझरोस चुलिएका भरोसाहरु ।
नपरोस परदेशमा कसैले मर्न
नपरोस घरदेशमा कसैले जल्न ।

ननिभोस चुलोमा आगो
नचुढियोस सम्बन्धको धागो
बैनिहरु हाँसी रहुन
भाईहरु नाँची रहुन
फुलिरहोस फुलहरु
डुलिरहोस भवँराहरु
झुलिरहोस धानहरु
चुलिरहोस मानहरु ।

टुटफुट नहोस दलमा
लुटपाट नहोस देशमा
पत्रकारले भ्रम नछरोस
जनताको श्रम नमरोस
कोरोना हट्दै जाओस
करुणा जाग्दै आओस
पशुपतिनाथ, गुहेश्वरी, माता मनकामना
२०७८ सालको सबैमा हार्दिक शुभकामना ।

✍️ रामचन्द्र तिम्सिना (आवाज)