सेतोमसी सहकर्मी
राजेश पराजुली, पोखरा । पोखरा महानगरपालिकाले कृषकलाई १४ हजार पाँच सय ५० फलफूलका बिरुवा वितरण गरेको छ । महानगरपालिकाले ५० प्रतिशत अनुदानमा विभिन्न जातका फलफूलका बिरुवा वितरण गरेको कृषि महाशाखा प्रमुख मनोहर कडरियाले जानकारी दिए ।
उनका अनुसार तीन सय ७८ कृषक तथा कृषक समूहलाई बिरुवा वितरण गरिएका हुन् । महानगरपालिकाले एक/एक हजार सङ्ख्यामा आँप, लिची, एबोकाडोका बिरुवा वितरण गरेको छ ।
यस्तै कागतीका एक हजार पाँच सय बिजु र चार हजार कलमी बिरुवा तथा सुन्तलाका एक हजार पाँच सय बिजु र तीन हजार कलमी बिरुवा वितरण गरिएको छ ।
यस्तै, एक हजार ५० अम्बा र पाँच सय मेकाडामिया नटका रिुवा वितरण गरिएको कडरियाले जानकारी दिए । कृषकलाई ५० प्रतिशत अनुदानमा प्रति बिरुवा आँँप रु ५०, लिची रु ४०, अम्बा रु २५, कागती बिजु रु ३०, कलमी रु ६०, सुन्तला बिजु रु ३०, कलमी रु ६०, मेकाडामिया नट रु ५०, एबोकाडो रु ५० मा उपलब्ध गराइएको उनले बताए ।
वितरण गरिएका फलफूलका बिरुवाको तीन गुणा बढी माग भए पनि सीमित साधनस्रोतका कारण माग बमोजिम उपलब्ध गराउन नसकिएको महानगरले जनाएको छ ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
