०१ बैशाख, एजेन्सी – इन्डियन प्रिमियर लिग (आइपिएल) मा साविक विजेता मुम्बई इन्डियन्सले पहिलो जित निकालेको छ । मंगलबार राती सम्पन्न खेलमा कोलकता नाइट राइडर्सलाई १० रनले पराजित गर्दै पहिलो जित हात पारेको हो । मुम्बईको जितको लागि स्पिनर राहुल चहरले उत्कृष्ट प्रदर्शन गरे ।
जितको लागि १ सय ५३ रनको विजयी लक्ष्य पछ्याएको कोलकाताले निर्धारित २० ओभरमा ७ विकेटको क्षतिमा १ सय ४२ रन बनायो । मुम्बईका स्पिनर राहुल चहरले ४ ओभरमा २७ रन खर्चेर ४ विकेट लिए । ट्रेन्ट बोल्टले २ र क्रुनाल पान्ड्याले १ विकेट लिए ।
त्यसअघि चेन्नईमा टस हारेर पहिला ब्याटिङ थालेको मुम्बईले निर्धारित २० ओभरमा १ सय ५२ रनमा अल आउट भएको थियो ।
जितसँगै मुम्बईले २ खेलबाट २ अंक जोडेको छ। मुम्बई पहिलो खेलमा रोयल च्यालेन्जर्स बैंगलोरसँग २ विकेटले पराजित भएको थियो।
कोलकत्ताको यो पहिलो हार हो। पहिलो खेलमा कोलकत्ताले सनराइजर्स हैदरावादलाई १० रनले हराएको थियो।कोलकत्ताकाे पनि २ अंक छ। मुम्बईले आफ्नो तेस्रो खेल शनिवार सनराइजर्स हैदराबादसँग खेल्ने छ । कोलकाताले आइतबार बेंगलोरसँग खेल्ने छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)