साझा हस्पिटल र ईन्जिनियरिङ एशोसियसनबीच स्वास्थ्य सेवा सम्झौता

सेतोमसी
आश्विन ११, २०८१ शुक्रवार

साझा हस्पिटल र ईन्जिनियरिङ एशोसियसनबीच स्वास्थ्य सेवा सम्झौता

अ +
अ
अ -

बुटवल । बुटवल–८ श्रवणपथस्थित चाँदबारी चोकमा रहेको साझा हस्पिटल प्रा.लि. बुटवल र नेपाल इन्जिनियरिङ एशोसिएसन लुम्बिनी प्रदेशका सदस्य र उनका परिवार सदस्यहरुलाई स्वास्थ्य सेवामा विशेष सुविधा उपलब्ध गराउने सम्बन्धमा सम्झौता गरिएको छ ।

साझा अस्पतालका अध्यक्ष गोविन्द खनाल र नेपाल इन्जिनियरिङ एशोसियसन लुम्बिनी प्रदेशका सभापति ई. महेश्वर लम्सालले अस्पतालले दिने उपचार तथा सहुलियतका विषयमा हस्ताक्षर गरेका हुन् ।

स्वास्थ्य सेवा सम्झौतापछि आगामी २ वर्षसम्म अस्पतालमा उपचार सेवा लिन आउने नेपाल ईन्जिनियरिङ एशोसियसनका पदाधिकारी तथा सदस्यहरुलाई स्वास्थ्य उपचार सेवा औषधी तथा सर्जिकलमा १० प्रतिशत छुट दिने भएको हो ।

त्यस्तैगरी अस्पतालमा उपचार हुने अप्रेशन, बेड, ल्याब टेष्ट, ईसिजी, युएसजी लगायतका स्वास्थ्य सेवाहरुमा २० प्रतिशत सम्मको छुट सुविधा प्रदान गरिएको ई. सागर भुसालले बताए ।

अस्पतालले विभिन्न समयमा लुम्बिनी प्रदेशका विभिन्न जिल्लाहरुमा विशेषज्ञ डाक्टरसहित स्वास्थ्य शिविर सञ्चालन गर्दै आईरहेको छ ।

स्वास्थ्यलाई विशेष ध्यान दिदै लुम्बिनी प्रदेशका इन्जिनियरिङ एशोसियसनका सदस्यहरुलाई पनि यो सेवा तथा सहुलियत उपलब्ध गराईएको हो ।

यो सम्झौतापछि आफ्ना संस्थाका सदस्यहरुलाई स्वास्थ्य उपचारका लागि सहुलियत रकममा गुणस्तरीय सेवा प्रदान गरी सदस्यलाई सहजता प्राप्त हुने एशोसियसनका लुम्बिनी प्रदेशका सभापति लम्सालले बताए ।

sajha hospital .jpg