काठमाडौं । मोरङको ग्रामथान गाउँपालिका-५ स्थित आदर्श निकेतन आधारभूत विद्यालयमा कार्यरत शिक्षक सुरेन्द्रकुमार विश्वास थारुविरुद्ध नक्कली शैक्षिक प्रमाणपत्र पेस गरी नियुक्ति लिएको आरोपमा भ्रष्टाचार मुद्दा दायर भएको छ।
अख्तियार दुरुपयोग अनुसन्धान आयोगले शिक्षक थारुविरुद्ध शुक्रबार विशेष अदालत काठमाडौंमा आरोपपत्र दायर गरेको हो। उनले निम्न माध्यमिक तहको गणित विषयको राहत शिक्षक पदमा नियुक्ति लिन भारतको बिहार विद्यालय परीक्षा बोर्डबाट जारी भएको भनिएको आईएससी तहको नक्कली शैक्षिक योग्यताको प्रमाणपत्र पेस गरेको अनुसन्धानबाट खुलेको आयोगले जनाएको छ ।
थारुले उक्त प्रमाणपत्र पेस गरी २०६३ असार १५ गतेदेखि शिक्षक पदमा नियुक्ति लिएको आयोगको दाबी छ। नक्कली प्रमाणपत्रका आधारमा राष्ट्रसेवकको ओहदा प्राप्त गरेको भन्दै उनीविरुद्ध भ्रष्टाचार निवारण ऐन, २०५९ को दफा १६ को उपदफा (१) अनुसार सजायको मागदाबी गरिएको छ ।
आयोगले उक्त कसुरमा कानुनबमोजिम सजाय हुन माग गर्दै विशेष अदालतमा मुद्दा दायर गरेको जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
