“फ्याट्ट पोइल” ठट्यौली रत्यौली गीतको भिडियो सार्वजनिक

सेतोमसी
मंसिर २०, २०८१ बिहिवार

“फ्याट्ट पोइल” ठट्यौली रत्यौली गीतको भिडियो सार्वजनिक

अ +
अ
अ -

सुरेश भट्ट आश्रिन, काठमाडौं । गत शुक्रवार बिहान तिलु शर्मा पौडेलले बाबा इन्टरटेन्मेन्ट टिभी मार्फत फ्याट्ट पोइल रत्यौली गीत बजारमा ल्याएका छन् । लोक संगीतलाई ज्याद्रै माया गर्ने पौडेलका “मदानिमा नेति,पर्वते माया” जस्ता अन्य चर्चित झरो गीतहरु बजारमा छन् ।

आजभोलि परम्परागत रत्यौलीहरु लोपोन्मुख अबस्थामा छन् । रत्यौलीमा परम्परागत शैलीमा लाहुरे र जोगी बनेर गरिने नृत्य घरभित्रको कथा गीत मार्फत गुन्जिने गर्दछन् । शर्मा भन्छन् आमा छोराको सम्बन्धको विगत र भविष्यको सेरोफेरोमा घुमेका यस्तै गम्भीर र थुप्रै ठट्यौली अनि रमाइला खालका रत्यौलीलाई जोगाइराख्नु पनि लोक संगीतमा लागेकाहरुको धर्म हो ।

जवान भएकी छोरीलाई माइती पक्षसंग केही कुरामा चित्त नबुझेपछि पोइला गइदिन्छु नि ! भन्ने भाव नै गीतको सार रहेको छ । छोरीहरुको जीवनका दैनिकी समेटिएका यथार्थपरक रत्यौली गीतहरू आजकल सुनिँदैनन्।

छोराको बिहेमा दुलाहा अन्माएर लगेपछि बिहेघरको आँगनमा भेला भएर महिलाहरू मादल र छ्याली बजाउँदै मुजुराको तालमा कम्मर मर्काइ–मर्काइ नाच्ने विगतको मौलिक स्वाद र शैलीका रत्यौली अहिले हराइरहेको बखत शर्माको रत्यौलीले गाउँ सम्झनलाइ प्रेरित गरेको छ ।

पछिल्लो समय नेपाली लोक दोहोरीमा जमेकी गायिका अस्मिता डल्लाकोटि र पौडेलको स्वरमा “फ्याट्ट पोइल” गीतको सङ्गीत संयोजन याम थापा मगरले गरेकाछन् भने स्मारिका ढकाल, सरोज प्रजा, सुरेश कोहलि र सम्झना थापा छेत्रीले कम्मर मर्काएको भिडियोमा गायिका डल्लाकोटि दुलही र लोक तथा दोहोरी गायक शक्ति कुमार गोदारले दुलाहाका भूमिकामा अभिनय गरेका छन् l

भिडियो सहित