अस्पतालमा अक्सिजन उत्पादन सुरु, उत्पादित अक्सिजन पाइपलाइनमार्फत शय्यामा जडान

सेतोमसी सहकर्मी

अस्पतालमा अक्सिजन उत्पादन सुरु, उत्पादित अक्सिजन पाइपलाइनमार्फत शय्यामा जडान

अ +
अ
अ -

दमौली। तनहुँ सदरमुकामस्थित दमौली अस्पतालमा अक्सिजन उत्पादन सुरु गरिएको छ । अस्पतालमा निर्माण सम्पन्न भएको प्लान्टबाट अक्सिजन उत्पादन सुरु गरिएको हो ।

कोरोना सङ्क्रमितको उपचारमा सहयोग पुराउने गण्डकी प्रदेश सरकारबाट प्राप्त भएको रकमबाट अक्सिजन प्लाण्ट निर्माण गरी अक्सिजन उत्पादन सुरु गरिएको अस्पताल व्यवस्थापन समितिका अध्यक्ष प्रदीपराज अधिकारीले जानकारी दिए । उनका अनुसार भदौ तेस्रो साताबाट अक्सिजन उत्पादन सुरु गरिएको छ ।

अस्पतालले आइसियु र भेन्टिलेटरसमेत सुरुआत गरिसकेको छ । अस्पतालले स्वास्थ्य मन्त्रालयको आर्थिक सहयोगमा आइसियु र भेन्टिलेटर शय्याको व्यवस्थापन गरेको थियो । यसअघि अस्पतालमा सघन उपचार कक्ष नहुँदा पोखरा, भरतपुर वा काठमाडौँ पुगेर स्वास्थ्य सेवा लिनुपर्दा स्थानीयवासी लाई आर्थिक भारसमेत पर्दै आइरहेको थियो ।