गुल्मी । नेपालीहरुकाे पर्व विजया दशमीकाे रौनक शुरु भएकाे छ । शहर गाउँ फर्केकाे छ र गाउँ घर रमाइलो भएकाे छ ।

यतिवेला सामाजिक सन्जाल सन्चार माध्यमहरुमा शुभकामना प्रशारण र प्रकाशन भईरहेका छन ।सबैले शुभकामना आ-आफ्नै तरिकाले दिने क्रम जारी छ।

शुभकामना दिनकै लागि रुरुक्षेत्र गाउँपालिकाका नेकपा एमालेका युवा नेता तथा पार्टी ईन्चार्ज हिमाल श्रेष्ठ भने यतिबेला गाउँमा घर दैलाे मै पुगेका छन् ।

रुरुक्षेत्र १ काे भट्कुवामा घरघरमै पुगेर शुभकामना साटासाट गरेका श्रेष्ठ मँगलबार रुरुक्षेत्र १ काे च्यूरेकमा घरदैलाेमा व्यस्त रहे ।

स्थानीय द्वन्द्व पिडित पत्रकार कृष्ण ज्ञवालीलाई भेटेर सहानुभूति प्रकट गरेका श्रेष्ठ भेटघाट र शुभकामना साटासाट च्यूरेकसम्म पुगे । च्युरेकका पुराना कम्युनिस्ट कार्यकर्ता पिताम्बर ज्ञवालीसँग भलाकुसारी गर्नुका साथै च्यूरेकका दर्जनौं घर घरमा पुगेर श्रेष्ठले शूभकामना दिदै गर्दा र जनताका समस्या र गुनासाहरु पनि सुन्न भ्याए श्रेष्ठले ।

मुख्यतया च्यूरेकि जनताले साल विसाउना देखि सडक स्ताराेन्नति गरिनु पर्ने, बिसौनामा प्राथमिक स्वास्थ केन्द्र राखिनु पर्ने , दाेबाटा नेटाई पाेखरी ठुलापाेखरा सम्मकाे सडक स्ताराेन्नति गर्दै रिँगराेडकाे अबधारणामा विकास गरिनु पर्ने र च्यूरेकलाई रुरुक्षेत्रकाे पर्यटन सँग जाेडिनु पर्ने सुझाव दिएका थिए ।

मुख्यत सधै भाेट बैँककाे रुपमा च्यूरेकी जनता रहेकाे तर नेताले फर्केर नहेरकाे गुनासाे उठेकाे थियाे । दशैँकाे अवसरमा सबै सँग भेटौँ भलाकुसारी गरौँ र शुभकामना साटासाट पनि गरौँ भनेर गाउँ आएकाे र जनगुनासाहरु पनि सुन्ने मौका पाएकाे श्रेष्ठले बताए ।

भेटघाट तथा शुभकामना साटसाट कार्यक्रममा नेकपा एमाले रुरुक्षेत्र १ का पार्टी कमिटी सचिव चिरन्जिवि ज्ञवाली लगायतकाे सहभागिता रहेकाे थियाे ।