आइपिएल सिजन- १४

इन्डियन प्रिमियर लिग (आइपिएल)मा चेन्नेईले राजस्थानलाई हरायो

अशोक गौतम 'क्षितिज'
बैशाख ७, २०७८ मंगलवार

इन्डियन प्रिमियर लिग (आइपिएल)मा चेन्नेईले राजस्थानलाई हरायो

अ +
अ
अ -

०७ बैशाख एजेन्सी- इन्डियन प्रिमियर लिग (आइपिएल)मा चेन्नेई सुपर किंग्सले दोस्रो जित निकालेको छ । सोमबार राति भएको खेलमा चेन्नेईले राजस्थानलाई ४५ रनले हराएको हो । जारी प्रतियोगितामा राजस्थानको दोस्रो हार हो ।

मुम्बईको वाङ्खडे स्टेडियममा टस हारेर ब्याटिङको निम्ताे पाएकाे चेन्नईले २० ओभरमा नाै विकेट गुमाउदै एक सय ८८ रन बनाएको थियो । जवाफी ब्याटिङमा उत्रिएको राजस्थान निर्धारित २० ओभरमा ९ विकेट गुमाउँदै १४३ रन मात्रै बनायो ।

चेन्नईका लागि फाफ डु प्लेसिसले सर्वाधिक ३३ रन बनाउँदा अम्बाती रायडुले २७ रन बनाएका थिए। त्यस्तै, मोइन अलीले २६, ड्वाइने ब्राभोले २० र कप्तान महेन्द्र सिंह धोनीले १८ रन जोडे । राजस्थानका चेतन सकारियाले ३, क्रिस मोरिसले २ तथा मुस्ताफिजुर रहमान र राहुल तवातियाले समान १/१ विकेट लिए ।

राजस्थानका लागि जोश बटलरले सर्वाधिक ४९ रन बनाएपनि टिमलाई जिताउन सकेनन् । चेन्नेईका मोइन अलिले ३ र साम कुरान तथा रविन्द्र जडेजाले दुई दुई विकेट लिए । जितसँगै चेन्नेई ३ खेलबाट ४ अंकसहित दोस्रो स्थानमा उक्लिएको छ । राजस्थान भने पुछारबाट तेस्रो स्थानमा छ ।

जितसँगै चेन्नेई ३ खेलबाट ४ अंकसहित दोस्रो स्थानमा उक्लिएको छ । राजस्थान भने पुछारबाट तेस्रो स्थानमा छ ।
जारी सिजनमा तीन खेल खेलेको चेन्नईको यो दास्रो जित हो भने समान खेल खेलेको राजस्थानको यो दोस्रो हार हो ।

आइपीएल क्रिकेटमा आज दिल्ली र मुम्बई खेल्दैछन् । खेल राती पौने ८ बजे चेन्नेईमा हुनेछ ।