काठमाडौँ । अर्बपति एलन मस्कले अमेरिकी राष्ट्रपति डोनाल्ड ट्रम्पको कर र खर्च विधेयकको कडा आलोचना गरेका छन् । उनले यसलाई 'घृणित' मात्र भनेका छैनन् संसदमा यस विधेयकमा मतदान गर्ने सांसदहरुलाई पनि निशाना बनाएका छन् ।
यो कानून केहि दिन अघि अमेरिकी संसदको तल्लो सदनमा पारित भएको थियो । यस कानूनमा धेरै ट्रिलियन डलरको कर छुट, बढेको रक्षा खर्च र अमेरिकी सरकारलाई थप ऋण लिन अनुमति समावेश छ ।
मस्कले सामाजिक सञ्जाल प्लेटफर्म एक्समा लेख्दै यसको पक्षमा मतदान गर्ने मानिसहरूलाई लाज लाग्नु पर्ने टिप्पणी गरेका छन् ।
ट्रम्प प्रशासनको सरकारी दक्षता विभागमा १२९ दिन काम गरेपछि गत हप्ता छोडेका मस्कको अहिले ट्रम्पसँग दूरी बढेको विश्वास गरिएको छ ।
सरकार छोडेपछि मस्कको पहिलो सार्वजनिक टिप्पणीले उनी ट्रम्प प्रशासनको काम गर्ने शैली र निर्णयबाट खुशी छैनन् भन्ने देखाउछ ।
मस्कले यो कानुनले पहिले नै ठूलो रहेको अमेरिकी बजेट घाटालाई अझ बढाउने र अमेरिकी नागरिकहरूमा दिगो ऋणको भार थप्ने बताएका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
