काठमाडौं । जेठ १३ गतेदेखि जारी संसदको अवरोध खुलाउने प्रयास जारी रहेको छ । बुधवार बिहान विपक्षी दलहरुले साझा धारणा बनाउन भन्दै छलफल शुरु गरेका छन् । संसद् भवन नयाँ बानेश्वरमा अहिले विपक्षी दलहरुको बैठक बसिरहेको छ ।
बैठकमा रास्वपाले भिजिट भिसा बारे अगाडी सारेको पाँच बुँदे प्रस्तावमा छलफल हुने बताइएको छ ।
रास्वपाले सोमवार भिजिट भिसा प्रकरणमा अख्तियार दुरुपयोग अनुसन्धान आयोगले गरिरहेको अनुसन्धानमा हस्तक्षेप नगरी सरकारले पूर्ण सहयोग र सहजीकरण गर्ने, अख्तियारको क्षेत्रमाथि अतिक्रमण नगरेर भिजिट भिसा प्रकरणमा अनुसन्धान गर्न पाँच दिन भित्र उच्चस्तरीय छानबिन आयोग गठन गर्ने, समितिको कार्य क्षेत्र कार्यसम्पादन समिति गठन गर्ने, नैतिक हिसाबले गृहमन्त्री रमेश लेखकले राजीनामा दिने लगयतका प्रस्ताव अगाडी सारेको थियो ।
विपक्षी दलहरुको छलफलपछि सत्ता पक्षसँग संसदको अवरोध खुलाउने विषयमा वार्ता हुने बताइएको छ । माओवादी केन्द्र र एकीकृत समाजवादी यस अघिको अडानबाट पछि हटेपनि रास्वपा आफ्नो अडानमा कायम रहेकाले आजको संसद बैठक पनि सहज रुपमा सुचारु हुनेमा अन्योलता नै रहेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)