एसिया कप क्रिकेट

एसिया कप क्रिकेट : पहिलो खेल भारत र पाकिस्तान बीच सेप्टेम्ब ७ मा हुने

सेतोमसी
आषाढ १८, २०८२ बुधवार

एसिया कप क्रिकेट : पहिलो खेल भारत र पाकिस्तान बीच सेप्टेम्ब ७ मा हुने

अ +
अ
अ -

काठमाडौँ । एसिया कप क्रिकेट आगामी सेप्टेम्बर ५ बाट संयुक्त अरब इमिरेट्स (युएई) मा सुरु हुने रिपोर्ट सार्बजनिक भएको छ ।

समूह चरण र सुपर-४ ढाँचा अन्तर्गत, एसिया कपमा भारत र पाकिस्तान बीचको पहिलो खेल सेप्टेम्बर ७ मा खेलिने बताइएको छ । यदि दुवै टोली सुपर-४ मा पुगे भने, उनीहरूको दोस्रो भिडन्त सेप्टेम्बर १४ मा हुन सक्छ । टाइम्स अफ इन्डियाले प्रतियोगिताको फाइनल सेप्टेम्बर २१ मा खेलिने उल्लेख गरको छ ।

यसअघि भारतले एसिया कपको आयोजक रहेको थियो । मिडिया रिपोर्टका अनुसार, भारत र पाकिस्तान बीचको तनावका कारण युएईलाई प्रतियोगिता आयोजना गर्न भनिएको छ । यस १७ दिने प्रतियोगितामा ६ टोलीले भाग लिनेछन्। यसअघि एसियाली क्रिकेट परिषद्ले आगामी ३ एसिया कप चक्रको बारेमा पनि बताएको छ । २०२७ मा, यो प्रतियोगिता पाकिस्तानमा एकदिवसीय ढाँचामा खेलिनेछ । बंगलादेशले २०२९ मा र श्रीलंकाले २०३१ मा आयोजना गर्नेछ।

भारतीय क्रिकेट नियन्त्रण बोर्ड र पाकिस्तान क्रिकेट बोर्डले आ-आफ्ना सरकारहरूबाट प्रतियोगिता खेल्न लगभग स्वीकृति पाइसकेको रिपोर्टमा दाबी गरिएको छ । प्रतियोगिताको आधिकारिक प्रसारक सोनी स्पोर्ट्सले प्रचारात्मक पोस्टर पनि जारी गरेको छ ।

प्रतियोगिता टी-२० ढाँचामा खेलाइनेछ र भारत, पाकिस्तान, श्रीलंका, बंगलादेश, अफगानिस्तान र युएईले भाग लिनेछन् ।