बुटवल । लुम्बिनी प्रदेशका मुख्यमन्त्री चेतनारायण आचार्यले प्राङ्गारिक मल उत्पादनलाई प्रदेश सरकारले प्राथमिकतामा राखेको बताएका छन् । शुद्धोधन गाउँपालिका–१ मानपकडीस्थित सर्मिला इन्टिग्रेटेड एग्रिकल्चर फर्मको अनुगमन गर्दै उनले रासायनिक मलको अभाव कम गर्न प्राङ्गारिक मललाई प्रभावकारी विकल्पका रूपमा अघि बढाउने बताएका हुन् ।
उनका अनुसार प्राङ्गारिक मलको उत्पादन र प्रयोगमार्फत केही वर्षभित्र लुम्बिनीलाई प्राङ्गारिक प्रदेशको रूपमा विकास गर्ने लक्ष्य राखिएको छ । सामुदायिक संस्था, निजी क्षेत्र र उद्यमीसँग साझेदारी गरेर उत्पादन बढाउने वातावरण बनाउन प्रदेश सरकार सक्रिय हुने बताएका छन् ।
प्रदेशसभा सदस्य तथा पूर्व स्वास्थ्य मन्त्री विष्णुप्रसाद पन्थीले किसानले भोगिरहेको मल अभाव समाधानका लागि प्राङ्गारिक मल उत्पादनलाई प्रोत्साहन गर्नुपर्ने बताए । उद्यमी सीपी शर्माले राज्यले सहयोग गरे दैनिक ४० टन र वार्षिक १५ हजार टन प्राङ्गारिक मल उत्पादन सुरु गर्न सकिने जानकारी दिएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)