साफ यू-१७ च्याम्पियनसिप

साफ यू-१७ च्याम्पियनसिपमा नेपाल बंगलादेशसँग पराजित

सेतोमसी
आश्विन ३, २०८२ शुक्रवार

साफ यू-१७ च्याम्पियनसिपमा नेपाल बंगलादेशसँग पराजित

अ +
अ
अ -

काठमाडौँ । नेपाल साफ यू-१७ च्याम्पियनसिप अन्तर्गत बंगलादेशसँग पराजित भएको छ । विहिबार राति सम्पन्न खेलमा बंगलादेशले नेपाललाई ४-० गोल अन्तरले पराजित गरेको हो ।

यो खेलपछि अब समुह ए बाट सेमिफाइनलमा पुग्ने टुंगो आइतबार हुने बंगलादेश र श्रीलंकाबीचको खेलपछि लाग्ने भएको छ ।

नेपालले यसअघि खेलेको खेलमा श्रीलंकालाई २-० गोल अन्तरले पराजित गर्दै प्रतियोगितामा विजयी शुरुवात गरेको थियो ।

सेप्टेम्बर १५ देखि २७, २०२५ सम्म श्रीलंकामा आयोजना हुने साफ यू–१७ च्याम्पियनसिपमा नेपालसहित बंगलादेश, श्रीलंका, भारत, पाकिस्तान, भुटान र माल्दिभ्स खेल्दैछन् । नेपाल समुह ए मा श्रीलंका र बंगलादेशसँग रहेको छ ।

त्यस्तै समुह बी मा भारत, पाकिस्तान, भुटान र माल्दिभ्स रहेका छन् । नेपालले अब दोस्रो खेल सेप्टेम्बर १८ मा बंगलादेशसँग खेल्ने तालिका रहेको छ । समुह चरणका खेलपछि शिर्ष दुई देश सेमिफाइनलमा पुग्ने छन् ।