तालिबान सरकार

तालिबानको नयाँ आदेश : विश्वविद्यालयमा महिलाहरूले लेखेका पुस्तकमा प्रतिबन्ध

सेतोमसी
आश्विन ३, २०८२ शुक्रवार

तालिबानको नयाँ आदेश : विश्वविद्यालयमा महिलाहरूले लेखेका पुस्तकमा प्रतिबन्ध

अ +
अ
अ -

काठमाडौँ । अफगानिस्तानको तालिबान सरकारले नयाँ प्रतिबन्ध अन्तर्गत विश्वविद्यालयहरूबाट महिलाहरूले लेखेका पुस्तकहरू हटाएको छ । सोही आदेशले मानव अधिकार र यौन उत्पीडन जस्ता विषयहरूको पढाइलाई पनि निषेध गर्दछ ।

तालिबानले ६८० पुस्तकहरू प्रतिबन्ध लगाएको छ, जसमा लगभग १४० महिलाहरूले लेखेका छन्, जसमा 'रासायनिक प्रयोगशालामा सुरक्षा' जस्ता पुस्तकहरू पनि समावेश रहेको बताइएको छ ।

तालिबानले यी पुस्तकहरू उनीहरूको नीति र शरिया विरुद्ध रहेको बताएको छ । विश्वविद्यालयहरूलाई अब १८ विषयहरू नपढाउन पनि आदेश दिइएको छ, जुन तालिबान अधिकारीहरूका अनुसार 'शरियाका सिद्धान्तहरू र प्रणालीको नीति अनुरूप छैनन् ।

'यो आदेश विगत चार वर्षमा तालिबानद्वारा लगाइएका प्रतिबन्धहरूको श्रृंखलामा अर्को कदम हो । यस हप्ता, तालिबानको सर्वोच्च नेताको आदेशमा कम्तिमा १० प्रान्तहरूमा फाइबर-अप्टिक इन्टरनेट प्रतिबन्धित गरिएको थियो । अधिकारीहरूले यसको उद्देश्य अनैतिकता रोक्नु रहेको बताएका छन् ।