काठमाडौँ । बंगलादेशको राजधानी ढाकास्थित हजरत शाहजलाल अन्तर्राष्ट्रिय विमानस्थलमा शनिबार दिउँसो ठूलो आगलागी भएको छ ।
विमानस्थलको कार्गो टर्मिनलमा दिउँसो आगलागी भएपछि उडान प्रभावित भएका छन् । आगो यति तीव्र थियो कि कालो धुवाँले सम्पूर्ण क्षेत्रलाई ढाकेको थियो, जसले गर्दा सबै उडानहरू तुरुन्तै स्थगित गरियो ।
बंगलादेश नागरिक उड्डयन प्राधिकरणका अधिकारीहरूले दिउँसो लागेको आगो हाल करिब नियन्त्रणमा आएको बताएका छन् । आगलागी नियन्त्रणमा फायर फाइटरका ३५ युनिटले काम गरेको बंगलादेशको मिडिया डेली स्टारले उल्लेख गरेको छ ।
प्राधिकरणले सबै विमानहरू सुरक्षित रहेको र स्थिति नियन्त्रणमा नआएसम्म सबै अवतरण र उडानहरू निलम्बित गरिएको बताएको छ ।
हालैका दिनहरूमा बंगलादेशमा यो तेस्रो ठूलो आगलागी हो । मंगलबार, ढाकामा चार तले कपडा कारखाना र रासायनिक गोदाममा आगलागी हुँदा १६ जना कामदारको मृत्यु भएको थियो भने धेरै जना घाइते भएका थिए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
