लाइसेन्सको अनलाइन आवेदन अनिश्चितकालका लागि बन्द

सेतोमसी
बैशाख १४, २०७८ मंगलवार

लाइसेन्सको अनलाइन आवेदन अनिश्चितकालका लागि बन्द

अ +
अ
अ -

काठमाण्डाै । यातायात व्यवस्था विभागले बैशाख १६ गतेदेखि सवारी चालक अनुमति पत्र (लाइसेन्स) को अनलाइन आवेदन अनिश्चितकालका लागि बन्द गर्ने भएको छ ।

विभागले मंगलबार सूचना निकालेर कोरोना महामारीका कारण अर्काे सूचना नआंउदा सम्मका लागि अनलाइन आवेदन प्रणाली बन्द गर्ने जानकारी गराएको हो ।

गत वर्ष पनि लकडाउनले गर्दा झण्डै १० महिनासम्म सवारी चालक अनुमति पत्रको परीक्षा रोकिँदा सेवाग्राहीको चाप धेरै बढेको थियो ।

विश्वभर फैलिँदै गइरहेको नयाँ भेरियन्टको कोडिभ १९ महामारीका कारण मिति २०७८/०१/१६ गतेबाट अर्को सूचना प्रकाशन नभएसम्मका लागि सवारी चालक अनुमतिपत्रको अनलाइन आवेदन प्रणाली बन्द गरिने व्यहोरा जानकारीका लागि अनुरोध छ । यसबाट सेवाग्राहीलाई हुने असुविधाप्रति हामी क्षमाप्रार्थी छौं,’ यातायात व्यवस्था विभागका प्रवक्ता डा लोकनाथ भुसालले जारी गरेको सूचनामा भनिएको छ ।