काठमाडौँ । फिफाले अर्को वर्ष अमेरिका, क्यानडा र मेक्सिकोमा हुने विश्वकप फुटबलमा सहभागी देशहरूलाई प्रदान गरिने पुरस्कार रकममा ५० प्रतिशत वृद्धिको घोषणा गरेको छ । फिफाले विश्वकपमा कुल पुरस्कार रकम ७२७ मिलियन डलर अनुमोदन गरेको छ ।
२०२६ को विश्वकप विजेता देशले ५० मिलियन डलर प्राप्त गर्ने छ भने उपविजेताले ३३ मिलियन डलर पाउने छ । त्यस्तै तेस्रो हुनेले २९ मिलियन, चौथो हुनेले २७ मिलियन डलर पाउने भएको छ ।
त्यसैगरी पाँचौदेखि आठौँ स्थानसम्मले १९ मिलियन डलर, नवौंदेखि १६औं स्थानसम्मले १५ मिलियन डलर, १७औं देखि ३२औं स्थानसम्मले ११ मिलियन डलर र ३३औं देखि ४८औंसम्मको देशले ९ मिलियन डलर पाउने भएको छ ।
यसका अतिरिक्त फिफाले हरेक सहभागी टिमलाई विश्वकपको तयारीका लागि १.५ मिलियन डलर अतिरिक्त प्रदान गर्ने छ ।
२०२६ को विश्वकप विज्ञापन अधिकार र टिकट बिक्रीको हिसाबले ठूलो आम्दानी गर्ने प्रतियोगिता हुनेछ र यसले फिफालाई कम्तिमा १० बिलियन डलर आम्दानी गर्ने अपेक्षा गरिएको छ ।
२०२२ को फिफा विश्वकपमा ४४० मिलियन डलर पुरस्कार स्वरूप वितरण गरिएको थियो भने विश्वकप विजेता अर्जेन्टिनाले ४२ मिलियन डलर पाएको थियो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)