प्रणय दिवस : पाल्पाको रानीमहलमा प्रेम साट्नेको भिड

सेतोमसी सहकर्मी

प्रणय दिवस : पाल्पाको रानीमहलमा प्रेम साट्नेको भिड

अ +
अ
अ -

सुमन गाहा, पाल्पा । प्रेम दिवस विश्वभर मनाइने दिवस हो । विश्वभर आज भ्यालेन्टाइन डे अर्थात् प्रणय दिवस मनाइँदैछ । प्रणय दिवसको अवसरमा आज प्रेमजोडीहरुले विभिन्न उपहार आदान प्रदान गरी माया साटासाट गर्ने चलन छ ।

त्यस्तै आफूलाई मन परेको व्यक्तिसामु प्रेम प्रस्ताव राख्ने दिनको रुपमा पनि युवायुवतीले उपयोग गर्ने गर्छन् । नेपालमा पछिल्लो समय प्रणय दिवस मनाउने चलन निकै बढेर गएको छ ।

पाल्पामा भने सच्चा प्रेमको प्रतीक ठानिने रानीमहलमा सोमबार बिहानै देखि प्रेम जोडीहरुको भिड लागेको छ । आइतबार बेलुकी देखि नै रानीमहलमा जोडीहरु पुगेको स्थानीयले जनाएका छन् ।

रानीमहलसँगै पाल्पाका श्रीनगरडाँडा, बतासेडाँडा लगायतका अन्य क्षेत्रमा पनि प्रेम साटासाट गर्ने जोडी देख्न सकिन्छ ।

कालीनदी किनारमा रहेको सुन्दर रानीमहल तत्कालीन राजा खड्गशम्शेरले तेजकुमारीको सम्झनामा विसं १९५४ मा निर्माण गरेका थिए ।
पाल्पाको सदरमुकाम तानसेन देखि १४ किलोमिटर उत्तर कालीनदी किनारमा २४ कोठा भएको दरबारमा दुई पोखरी, मन्दिर, बगैँचा, पाटी, घोडा तबेला साथै भक्तिनी बस्ने स्थानसमेत देख्न सकिन्छ ।